電影《雲圖》上畫，就已經快快買飛起去睇。電影以6個唔同時空嘅故事組成，透過同一組演員串連6個表面唔相關但又各自互相影響嘅場景，戲味夠濃得嚟更表達到原著唔能夠完全做到嘅時空交錯效果，值得各位網友一睇。
電影其中一個故事背景，令我過目不忘；更令我諗起今日嘅香港，係咪已經同佢一樣咁悲慘……
電影內嘅2144年，企業取代政府成為管治世界嘅機構，Social norms對於違反人性嘅行為習以為常。同時，氣候變化導致水位上升，將首爾及新首爾淹沒；企業在近高山位置建城，並取名Neo Seoul，繼續實行企業統治社會。
在Neo Seoul，對社會有地位的純種人，能夠在上層世界生活；對社會再沒有經濟貢獻的老弱傷殘同基因改造合成人，只能夠在近水平線的貧民窟生活，渡過餘生。
講到呢度，係唔係似曾相識？
今時今日，管治香港嘅都係果一班政商人士同富二代。劉夢熊喺《陽光時務週刊》嘅爆料，就正正話俾香港人知決定邊個人做特首，只係果幾幾百個人嘅事。小圈子選舉？只係一個幾百人搞嘅行禮如儀煙幕，用嚟將欽點決定合理化。
貧富差距，喺資本主義社會下實在正常不過。不過貧富都好，喺社會上應該有共同嘅機會，社會流動先會不致停滯。好唔好彩，而家香港教育制度簡直係窮人只能夠含＿。小學學位世襲已經係唔公平，而家名校仲紛紛搞直資，仲要冇人監管獎助學金制度，結構上嘅上流機會已經少得可憐。
窮人有高等教育Offer，竟然仲要受到還學費貸款嘅另類剝削。由副學位剝到你讀Degree，一畢業就爭個＿那星政府廿幾萬。大學又為錢為關係要狂收中國學生，加學位俾香港學生就一句話UGC 唔俾就Sor_ry乾手淨腳。以為讀完Degree仲想上？大學為發展大陸關係又為追論文產量，請晒中國學生讀M.Phil同Ph.D。你冇關係，又或者遇到一個講普通話多過廣東話嘅Department？等含＿啦。
好，你唔讀出嚟做嘢，班中國學生讀完書又留係香港同你爭飯碗，而家係睇吓喺中環商場出入，你已經明我講咩。女仔仲慘，班中國女仔留係香港同你爭仔爭食；想嫁個鬼仔？你爭得過張茆之流先講。
冇機會上流，窮人同老弱傷殘都俾個管治體系遺棄。更有視人命如草芥嘅金融「才俊」，可以冷血咁講出「低增值人士請離開香港，讓高增值人士進入」而面不改容。
你話呢個係咩社會，同2144年嘅Neo Seoul仲有幾大分別？
電影中最令我難忘嘅，就係企業為咗盈利同處理環境問題，利用基因改造同複製技術製造合成人，同時對佢哋實施機械式控制，令佢哋接受自己唔係一個純種人，冇得同佢哋相提並論。故事裡面，合成人需要對顧主絕對服從。顧主可以用遙控啟動合成人頸圈上嘅雷射裝置，即時殺死反抗嘅合成人。所以無論上層純種人點樣對待（非禮甚至強姦）合成人，佢哋都只能夠硬食。
由於佢哋「出世」到服務，都冇見過上層世界甚至係social norms，所以佢哋俾人灌輸一個「上流」嘅意識：當儲到12粒「傑出服務星星」之後，就會被帶到去夏威夷，過上層人士嘅生活。
策劃革命企圖推翻呢個社會體制嘅鄭海濟，帶咗由餐廳救出嚟嘅合成人星美-451，去到一條橋上面望住一班「傑出合成人」嘅直正下場：上到船上，「醫生」以拆頸圈為名，Laser一槍射死脊髓神經。屍體被煎皮拆骨，成為餐廳同合成人嘅食物；而合成人嘅子官，就會留低培育下一個合成人。
望番今日香港，15年嘅教育，都離唔開建設同服務「祖國」。學普通話、北上工作、包容中國人、為大陸人同公司提供方便等，不斷蠶蝕香港人嘅身份同價值；而家香港人開始質疑呢個為人民幣服務嘅聖旨，就俾中國官員威脅斷水斷糧。好喇，當你一心信奉呢個金玉律果陣，下場同俾人斬件不無多樣：唔係黨員永遠升唔到高位，仲要俾人排斥針對。做生意的就俾人壓榨甚至呃晒錢；老婆7年之後就一腳伸走港男仲要呃晒錢走佬……
睇完呢一幕再回想一下，喺中共殖民之下嘅你同我，其實同星美-451又有幾大分別？
故事去到最後，鄭海濟同盟友革命失敗，葬身戰場。星美-451發表了《合成人權利宣言》後被捕，落得被處決嘅命運。雖然星美最後逃唔過扭曲社會體制施加於佢身上嘅厄運，但係佢都叫做反抗過。而佢所發表嘅宣言，更加成為2321年後末日時代人類文明嘅名著。
究竟未來嘅人點樣寫呢個時空下嘅香港人，大家都唔知。但我知嘅係，而家我同你都有機會，去改變未來嘅人去點樣寫我哋。係型係醜定係柒，都係你同我去決定。星美喺個變態時空下，都選擇去改變歷史；唔知你，又有冇呢個勇氣喇。
巫堃泰
沒有留言:
發佈留言