美國退落嚟，咪益咗中國囉！史健仁

 

史健仁

20250223

【YC看世界 02：美國退落嚟，咪益咗中國囉！】

老美作勢要退落嚟，唔再做傻仔下下行到咁前，然後一啲黃絲KOL就屌柒佢，話佢咁做會令世界冇晒秩序。美國唔再做世界警察，就會益咗中國，中國係世界嘅影響力將會不斷提高。睇到呢度，真係得啖笑。

歐洲及英國長年累月拜倒係中國嘅石榴裙之下，同中國政府及企業嘅合作關係愈來愈密切，前排英國政府拜訪中國，乞到幾億訂單返嚟就笑到見牙唔見眼，仲拍板比中國係倫敦起超級大使館。既然近年歐洲及英國J中國J得咁密，咁由中國取締美國，行到最前做帶頭大哥，乜唔係就係歐洲及英國最樂於見到嘅事咩？係歐洲眼中，當下最有影響力嘅國家，就係中國！

個班歐洲懶西平日阿支阿左最多嘢講，但一到要做決定，或要親自落場砌個陣就縮得最快。最初北約擺出一副願意侵埋烏克蘭玩嘅姿態，為澤連斯基製造一個虛假嘅遠景，辣慶咗普京。好啦，最後玩大咗，估唔到普京嚟真啦，北約個班友就同烏克蘭講，我哋都係講下姐，北約唔啱你架傻仔！然後，就一邊口講支持烏克蘭，另一邊箱就繼續買俄羅斯嘅天然氣，撚狗咁撚烏克蘭，仆街到冇朋友。

戰爭持續落去之後，歐洲係買少咗俄羅斯嘅天然氣，轉為買貴價天然氣，當中有啲其實源頭都俄羅斯。因為咁，整個歐洲嘅物價因為輸入通漲而大副攀升。俄羅斯同歐洲根本一齊攬抄緊，但俄羅斯仲有中國係背後撐住，仲捱得住。如果維持現狀，唔停火但又唔開火，係戰場上磨爛席嘅話，你班歐洲懶西一樣冚家剷。根本歐洲自己都想場戰事快啲完，但就要係自己頭上P圖P一個靚靚嘅道德光環出嚟，扮到自己好撐烏克蘭，烏克蘭冇侵侵仲有歐洲，食屎啦。

個班黃絲KOL只活係一個華文傳媒營造出嚟嘅虛幻世界，同真實世界脫節。真實世界其實好殘酷，就係係侵侵未當選前，世界秩序其實就已經向中國傾斜緊，否則侵侵都唔會一上台要美國逐一退出國際組織。如果由佢哋最鍾意嘅左翼賀錦麗當選，世界秩序就只會更快向中國傾斜。