【到底《#回憶潛行》可以有幾好睇？】
1. 我唔知點解入場前諗起《超越潛能》，Nolans班底但唔係Christopher會瀨嘢架，點知好精彩！
2. 其實係個悲到極致故事，講喺個再無任何希望嘅世界，不如投入過去最美好回憶（一如《西部世界》現實唔如意不如投入個themepark），但將回憶、時間、意識，溝埋查案、愛情、科幻、驚慄、動作、災難等唔同元素，又俾佢兜到
3. 對比《西部世界》果種神級地步，呢套的確差啲，始終電影世界有限時間要顧及太多元素，中間有少少lost，尤其吳彥祖果場，而中間為咗誤導你都搞得太多支節
4. 吳彥祖角色好明顯為咗中國市場商業考慮咁搞法，都極無謂
5. 當你lost到一個點諗緊做乜鳩時，好戲就在後頭，最後果廿分鐘終極真相blow your head off
6. 每個男人都會（曾）愛上一個你一世都唔知佢諗乜嘅女人（ok你冇的話你好彩），到底呢個女人係愛過你定係一個局玩鳩你，可能到你死果日都唔會知，然後有個深情L咁樣查落去，愈查愈曲折離奇。以為推向爛尾或超老套嘅愛情線咁兜法，都將佢部機真正用法呼應到，嘆為觀止！
7. 呼應返《西部世界》既然你分唔清真假，做咩咁執著於真相。呢套係當你執著喺回憶愈踩愈深，有啲真相唔應該去知、有啲回憶你唔應該咁執著，踩過條線你自己攞嚟衰，我諗《西部世界》fans會搵到所愛位。
8. 我唔知話Lisa Joy個人思想太癲定係太悲，一個悲到極點真相，差啲以為會好壓抑咁完－－in which已經好正，點知仲未完，又以為為中國市場先未完，點知最後兜到咁靚，睇到你又冧又心痛
9. 我諗套戲最大問題係個咁複雜concept，應該可以做到一套mini series，硬塞兩個鐘戲，中間係有少少問題、而部機嘅玩法都解得唔清晰（Jonathan而唔係Christopher Nolan，解讀一個超複雜concept係差咁火喉），但結局我好鍾意——雖然我相信咁處理唔係人人buy
沒有留言:
發佈留言