2016年8月16日 星期二

【鬼咁熱鬧】普天同慶 盂蘭節原來係吉日 (蘋果日報)

【鬼咁熱鬧】普天同慶 盂蘭節原來係吉日 (蘋果日報)

道教中元節,地官赦罪,罪孹重的先人及遊魂都有機會聽道,投胎。


研究盂蘭文化多年,長春社文化古蹟資源中心理事兼香港潮屬社團總會會董胡炎松先生說:「其實歸根究柢,農曆七月其實是個吉祥月,而現在我們香港的盂蘭節,有兩個源起。一個源自道教的中元節;另一個來自佛教《目蓮救母》的故事。」

道教,相信天下由天、地、海三神掌管。一年有三個大節,正月十五上元節是天官賜福,大家都開開心心添福壽;七月十五中元節是地官赦罪,人間藉上香、唸經、捐獻與拜神,藉此給先人及遊魂野鬼供奉施食,減輕罪孽,同時也為自己積福。獲赦罪後先人或遊魂,可隨神官乘渡船投胎;十月十五下元節是水官解厄,不好的運氣,厄運可以一筆清,重新做人。

而佛教呢,就有《目蓮救母》的故事。傳說目蓮的媽媽生前做得壞事多,死後入了餓鬼道,變了餓鬼。身為僧人的目蓮用法力,把食物送給媽媽,但是無論怎麼弄,食物送到媽媽嘴邊就變成焰火,一燒而盡。無計可施下目蓮找佛祖一問究竟,佛祖就提示:「用盂蘭盆,放入百味五果,供奉十方的大德高僧,讓他們為媽媽頌經。」遊魂受到恩德,就可以赦罪投胎。

從此,施食、放焰口、頌經,就成了盂蘭節的中心節目。另一方面,之所以是農曆七月十五日,因為在印度傳統,夏季炎熱,僧侶會停止化緣,而聚到佛堂作修行,直至七月十五日就可以出關,是個僧侶智慧與功德都獲提升的好日子。

香港呢,因為五十至七十年代大量移民來港,他們大部份都是單身寡仔,聚居於環境惡劣的山邊木屋區,天災人禍火災頻生,好多人客死異鄉。同鄉不欲兄弟們客死異鄉做遊魂,就辦大型盂蘭勝會為兄弟們赦罪,為自己積福德。熱鬧的盂蘭勝會,可是他們聚集「自己人」(格嘰冷)聯誼,聚集力量的大日子,所以胡炎松說:「盂蘭節本身是強調孝於親慈於眾,孝親於父母慈愛於社群,加上對無主孤魂的慈愛的日子,有人稱之為鬼節,但卻是個宣揚慈愛,關懷弱勢社群(鬼)的日子。」如果你驚,走去睇鬼古,覺得會鬼掹腳,唔敢夜晚入盂蘭場地,就實在誤會大了。

記者:陳慧敏
攝影:周芝瑩



【鬼咁熱鬧】90後唔知街衣係乜 孟蘭Top Sales逐一講解 (蘋果日報)

七月十四,路邊街衣遍地,但其實,大家還知道那七彩的傳統街衣是甚麼嗎?街訪路人,電影裏常見的溪錢說成紙錢、七色彩衣被認成西方的衣紙、往生錢更加無概念。
哎呀,這樣不行嘛!

杜千送是西營盤紙紮店俊成行的Top Sales(其實係老闆)。
他的店子紮根西營盤四十多年,盂蘭時節,還是好多街坊山長水遠特意跑來辦貨,卻也同樣看著香港的盂蘭勝會,由七十年代全盛期,到現在已經冷落多了。店子像間超級市場,買慣買熟的街坊,在貨架上任意挑選精美貨品。赤住腳的杜千送在貨架上爬上爬下,見你頭岳岳一臉茫然就問:「買乜嘢?想燒街衣係咪?想要咩Buget?」呀我第一次燒街衣,杜千送:「咁要套Basic的啦!」他執起預早叠好的福袋:「精選拜七月燒街衣,燒後對自家家宅平安個個順景!」精選套裝,教你燒街衣七件事!

記者:陳慧敏
攝影:周芝瑩

精選七月燒街衣套餐裏面,最基本的街衣組合,可分為七類。 觀音寶牒 精選的頭炮,是這份觀音牒。燒了,化身成鬼王大士王的觀音,就會給無主孤魂維持秩序,領供品。 神魂執照 在執照上寫好自己家宅名字,還未投胎的先人、孤魂野鬼,就會排隊來領供品。這時候,你可以積福,而遊魂得了貢品得衣食外,還可以聽經赦罪。原理就像拿了籌,排隊領施食。
溪錢 對,就是電影上上見的溪錢。像我們的零錢,也是鬼界的買路錢。奶白色的紙上印有簡單的孔洞,其實都是助燃的。 金銀 最值錢的,傳統以來仍是金銀。但記著,上面印有字符的,是燒給神明的金銀,無字的,才是燒給先人或遊魂的金銀。每到大時大節,許多人細心把金銀紙摺成元寶形狀,傳說這樣可讓一張「銀紙」變成一舊金,大幅增值。杜千送還補充:「後人為先人摺紙添心思,先人都會特別珍惜,不會胡亂浪費。」 往生錢 很重要的往生錢。在這個時候,大家都希望助亡魂放開牽掛,或減輕罪孹而可投胎。往生錢就像宣傳單,上面印滿往生文,希望說服遊魂放開心情投胎去。
七色彩衣 厚的七色紙,燒到地府會變成麻布,讓遊魂製作保暖的衣服;薄的,則是夏天穿的綾羅綢緞。除此以外也會配備七色彩衣,是為古裝成衣。等遊魂們即時可穿嘛。 最後還有一磚磚的金銀,都是吸引鬼魂來取貢品的東西。 李小姐(手執七色彩衣):「這應該是西方的節日,西方的衣紙吧。」相信你是指......西方極樂吧?
Pinky(手執七色彩衣):「是錢嗎?(沒有字喎!)應該是錢吧,像銀票。」 林佳鍵(手執往生錢):「不知是甚麼。(望望媽媽,媽媽搖頭)真係唔知啊!」

【動畫】【七月十四講鬼故】泰國遇「污糟嘢」 栢芝媽為保Quintus 離奇喊足全晚(蘋果日報)

張栢芝媽媽戴莎莉幫「鬼王」潘紹聰嘅靈異電影《魕異》首次演出,仲擔正做女主角,佢係戲入面飾演一位媽媽,講戲入面佢個女經常遇人不淑,搞到多次大肚同墮胎,搞到嬰靈纏身最終被害。栢芝媽話希望借套戲可以警剔時下年青少女,要帶眼識人。原來栢芝媽處女下海,係因為佢喺鬼王嘅fans,而且對啲靈異嘢特別有興趣,仲跟過幾次鬼王帶隊嘅靈異旅行團去探秘。

講到神佛事物栢芝媽話冇宗教信仰,不過就間唔時都去泰國拜四面佛,亦都試過有靈異經歷,佢話:「4、5年前同碧芝、栢芝同大仔(張豪龍)去泰國曼谷住K字頭酒店,我哋住地下,一開玻璃出去就係私人泳池。有一晚Cecilia(栢芝)打電話去我間房,話佢間房啲燈係咁眨,佢話『媽咪,過嚟啦,有嘢呀』,我同大仔即刻過去睇。」栢芝媽話唔過去由自可,過咗去紮燈眨得仲犀利,嚇到佢哋即刻抱埋Quintus(霆鋒細仔謝振南)搬房,佢話:「搬咗去我間房之後,先記得未攞Quintus啲奶樽,我返轉頭攞,一開門一陣涼風吹埋嚟,嗰時我講『你唔好搞細路仔呀,我過嚟攞返奶樽咋。你要搞,搞我,唔好搞細路仔呀。」當栢芝媽攞完奶樽返自己房之後,唔知點解就一個人坐咗出泳池邊不停喊,佢話:「冇意識,唔知做乜,只係不停喊,啲女同仔出嚟叫我入返去,我都唔理佢哋,喊咗足足粒幾鐘,諗返喊乜就唔知。」栢芝媽第二日就check out走,栢芝仲好好心話畀新嚟住客知,間房有嘢,叫佢哋小心。

栢芝媽今趟拍《魕》片都有靈異經歷,話說今次潘紹聰搵法科師傅,喺和合石墳場搞咗場百鬼夜宴,準備咗10幾圍盤菜招呼一班靈界朋友食。嗰日原本冇戲份嘅栢芝媽嚟探班,未開始嘅時候,佢哋已經聽到喺個墳後面有女人唱歌,嗰時已經好驚。當師傅搖起嗰鈴「叮」一聲通知班老友記開餐嘅時候,栢芝媽話:「嗰一刻好暈好暈,暈到透唔到氣,要即刻離開現場,之後仲要去師父嘅佛壇『清身』。」

場地:暹茅法術研修會
戴莎莉化粧:Ming Wong



【動畫】【大師講鬼故】男朋友被鹹濕鬼上身 經常苛索要性交 (蘋果日報)

今日七月十四,當然要聽下鬼故,電影《魕異》嘅法學顧問泰國法科趙師傅同大家分享兩個佢遇過嘅故事,師傅話佢哋嘅門派都主張用「驅」鬼,而唔係「滅」,佢話:「我哋相信眾生平等,唔係做錯少少嘢就要滅人呀,人偷嘢都係要死咁嚴重。唔係好似做戲咁下下都殺鬼,我哋勸喻方式同靈體講數。」師傅曾經有大戶人家,死咗嘅大婆唔滿意細婆嘅新抱有孕,驚佢分多份身家,所以成日搞大肚婆,趙師傅話:「最後大婆嘅鬼魂提出要放生5,800條魚,仲要唔可以死一條,係好難,不過當事人話做得到,放生之後真係冇事。」

趙師傅話遇過單既恐怖又好笑嘅驅鬼事件,有一次有對年青男女去完旅行之後,返到嚟發覺男朋友性情大變,經常苛索要做愛,搞到女朋友不勝其煩,趙師傅話:「有一日個男仔去到女仔屋企話要,嗰女仔覺得唔對路好恐怖,鎖埋度鐵閘唔畀佢入屋,嗰男事主急到用雙手扯開鎖咗嘅鐵閘,扯到鬈晒,我睇到張相都打個突,覺得呢啲唔係人做到嘅嘢。」師傅後來見過個男仔,發覺佢成個人麻木晒,淨係諗住一樣嘢,見到乜嘢人都唔理,後來發現佢哋旅行住間酒店,有隻男鬼睇中咗個女仔,就上咗男仔身借佢嘅身體去發生關係。師傅講返嗰次驅鬼都斷斷續續搞咗一段日子,因為隻鹹濕鬼趕完又返咗嚟幾次。

場地:暹茅法術研修會
戴莎莉化粧:Ming Wong

 



沒有留言:

張貼留言