《時事剪影》－哈佛真係只係得罪侵侵咁簡單？
2025年，侵侵突然宣布凍結哈佛大學超過22億美元嘅聯邦撥款，同時取消其招收國際學生嘅資格，影響高達7,000名外國留學生。國土安全部（DHS）亦隨即終止對哈佛270萬美元撥款，指控該校未能符合聯邦合規要求。整套動作引發全美譁然，標誌住美國政府與學術界爆發一場前所未有嘅正面衝突。
之前哥倫比亞大學已經跪低認衰，哈佛喺今次事件中就選擇「企硬」，表面上話係要「捍衛學術自由」，但實情係咪咁簡單？當你細心望吓過去幾年哈佛嘅所作所為，就會發現，其實，水很深。
侵侵政府指控，哈佛校園內有大量敵視美國價值、支持哈馬斯（Hamas）等極端主義嘅言論，構成潛在國安風險；再加上拒絕提供國際學生簽證相關資料，被視為故意阻撓執法。但更關鍵嘅一點係：哈佛同中國政府千絲萬縷嘅關係，亦係今次被整頓嘅核心原因之一。
令人關注嘅係，喺香港傳媒對事件嘅報導當中，往往將焦點擺喺「特朗普打壓學術自由」、「國際學生成受害者」等表面敘事，而對於真正惹火嘅底層問題：哈佛與中國軍方背景學者合作、新疆生產建設兵團（XPCC）嘅接觸、以及可能涉及敏感科技輸出等等⋯⋯就選擇性忽略、輕描淡寫，甚至完全唔提。呢種避重就輕嘅報導手法，喺近年中美矛盾升溫嘅大背景下，令香港讀者難以掌握事件嘅真貌。
講返壇嘢，美國國會屬下嘅「搞你中國委員會」（即中國問題特別委員會）曾指出，哈佛有研究人員與中國解放軍背景學者合作，涉及具「雙重用途」潛力嘅研究項目，有機會被應用於軍事用途。更有報導指，哈佛曾協助已被美國制裁嘅新疆生產建設兵團成員進行管理培訓，直接觸及人權紅線。雖然哈佛方面一口否認與中共有實質合作，但外界觀感已經嚴重受損。
同一時間，哈佛亦被揭發與伊朗政府資助嘅研究機構合作，參與可能涉及敏感軍民兩用技術嘅項目。共和黨內多位鷹派議員已經明言，哈佛作為非牟利機構若繼續與敵對政權合作，應即時重新審視其免稅資格同撥款待遇。
總括而言，今次事件早已超出教育政策爭議範疇，而係一場結合國家安全、地緣政治與學術自由之間界線模糊嘅大龍鳳。侵侵政府強調「安全優先」，哈佛則高舉「捍衛學術獨立與全球化價值」大旗（但實際咪又係為咗個錢字）。數落佢過去幾年嘅醜聞與爭議，真係可以話係罄竹難書，而喺而家呢個中美新冷戰逐步升級嘅大環境下，作為美國本土最具影響力嘅學府之一，哈佛想唔表態、唔歸邊，根本講唔過去。
中美兩國其實已經見劍拔弩張，可以話係處於熱戰邊緣，哈佛喺呢個時候仲仍然覺得可以舔兩邊，你話佢天真又得，戇居亦得。
2025年，侵侵突然宣布凍結哈佛大學超過22億美元嘅聯邦撥款，同時取消其招收國際學生嘅資格，影響高達7,000名外國留學生。國土安全部（DHS）亦隨即終止對哈佛270萬美元撥款，指控該校未能符合聯邦合規要求。整套動作引發全美譁然，標誌住美國政府與學術界爆發一場前所未有嘅正面衝突。
之前哥倫比亞大學已經跪低認衰，哈佛喺今次事件中就選擇「企硬」，表面上話係要「捍衛學術自由」，但實情係咪咁簡單？當你細心望吓過去幾年哈佛嘅所作所為，就會發現，其實，水很深。
侵侵政府指控，哈佛校園內有大量敵視美國價值、支持哈馬斯（Hamas）等極端主義嘅言論，構成潛在國安風險；再加上拒絕提供國際學生簽證相關資料，被視為故意阻撓執法。但更關鍵嘅一點係：哈佛同中國政府千絲萬縷嘅關係，亦係今次被整頓嘅核心原因之一。
令人關注嘅係，喺香港傳媒對事件嘅報導當中，往往將焦點擺喺「特朗普打壓學術自由」、「國際學生成受害者」等表面敘事，而對於真正惹火嘅底層問題：哈佛與中國軍方背景學者合作、新疆生產建設兵團（XPCC）嘅接觸、以及可能涉及敏感科技輸出等等⋯⋯就選擇性忽略、輕描淡寫，甚至完全唔提。呢種避重就輕嘅報導手法，喺近年中美矛盾升溫嘅大背景下，令香港讀者難以掌握事件嘅真貌。
講返壇嘢，美國國會屬下嘅「搞你中國委員會」（即中國問題特別委員會）曾指出，哈佛有研究人員與中國解放軍背景學者合作，涉及具「雙重用途」潛力嘅研究項目，有機會被應用於軍事用途。更有報導指，哈佛曾協助已被美國制裁嘅新疆生產建設兵團成員進行管理培訓，直接觸及人權紅線。雖然哈佛方面一口否認與中共有實質合作，但外界觀感已經嚴重受損。
同一時間，哈佛亦被揭發與伊朗政府資助嘅研究機構合作，參與可能涉及敏感軍民兩用技術嘅項目。共和黨內多位鷹派議員已經明言，哈佛作為非牟利機構若繼續與敵對政權合作，應即時重新審視其免稅資格同撥款待遇。
總括而言，今次事件早已超出教育政策爭議範疇，而係一場結合國家安全、地緣政治與學術自由之間界線模糊嘅大龍鳳。侵侵政府強調「安全優先」，哈佛則高舉「捍衛學術獨立與全球化價值」大旗（但實際咪又係為咗個錢字）。數落佢過去幾年嘅醜聞與爭議，真係可以話係罄竹難書，而喺而家呢個中美新冷戰逐步升級嘅大環境下，作為美國本土最具影響力嘅學府之一，哈佛想唔表態、唔歸邊，根本講唔過去。
中美兩國其實已經見劍拔弩張，可以話係處於熱戰邊緣，哈佛喺呢個時候仲仍然覺得可以舔兩邊，你話佢天真又得，戇居亦得。
【侵侵摧毀學術自由？】
日前美國土安全部取消哈佛大學「學生與交流訪問學者計畫」（SEVP）認證後，好多國際學生到哈佛大學就學將無法獲取所需嘅學生簽證。呢個係行政手段，受影響嘅只係被呢個計劃接納嘅國際學生。簽證本來唔係哈佛大學嘅事務，而係屬於美國入境處嘅份內事，係美國政府賦予入境人士嘅特別權利。
美國政府出手後，哈佛原本進行緊嘅課程，合作計劃，研究及老師或學生嘅學術活動係咪即時停止？冇，全部繼續進行，完全冇受影響。因此，現役哈佛大學嘅老師及學生係校內仍然享有學術自由，got it？
而家已經完SEM，放緊暑假，已畢業嘅學生不受新行政手段影響，新學年又未開始，侵侵選擇係呢個空窗期出手，就係將對哈佛嘅影響盡量降低。
有關侵侵今次針對哈佛嘅行政手段，要問三個問題：
1. 係侵侵未出手之前，哈佛大學嘅「學術」狀況真係好自由嗎？
2. 係侵侵未出手之前，哈佛大學呢個交流生計劃係咪真係體現民主及公平原則，對唔同地方嘅學生一視同仁？如果唔係，咁邊類背景嘅學生獲得優先錄取嘅優待？
3. 美國政府要求哈佛交待呢個計劃嘅收生過程細節及學生資料，如果上面第2條係合符民主及公平原則嘅話，點解哈佛唔肯交？
美國政府手上當然有入咗嚟美國讀書嘅學生資料啦，但係佢哋就係要哈佛主動上呈資料。美國政府咁做，可能懷疑哈佛係收取國際學生方面有隱瞞或唔見得光嘅嘢。
附圖係前哈佛大學實驗室主任最近兩篇長文。想了解一下哈佛嘅學術自由實況嘅話，可以參考一下，不過我諗好多反侵撚都唔會花時間睇。
註：要更正一下，佢文中提到嘅哈馬斯旗幟係錯，被扯起嘅只係巴勒斯坦旗。
沒有留言:
發佈留言