20250528
《中港矛盾》－窮遊有罪
香港政府一心希望重振旅遊業，但根據數字顯示，現時有超過八成來港旅客來自中國大陸，當中唔少屬於所謂嘅「窮遊特種兵」。佢哋用最低嘅開支周遊香港，着數攞盡，對本地經濟帶嚟嘅，唔係實質消費，而只係人流數字嘅堆砌。瞓麥當勞、紮營公園，連買支水都要計到盡：呢種模式，對香港目前疲弱嘅經濟，又真係有幾大幫助？
講到尾，其實「窮」唔係問題，以前日本都有節目如《電波少年》，唔係一樣係「窮遊」咩？但當年冇而家咁嘅小紅書效應，唔會鼓吹人人都用最少錢掃盡景點。最大嘅分別，係心態：以前係真係冇錢，係為咗圓夢，慳得就慳；而家講緊嘅，係一種貪平攞着數嘅「戰術」，連個名都起得咁具攻擊性：「特種兵」已經帶有一種衝擊、佔領、零尊重嘅味道。
反觀澳洲，亦有唔少背包客或 Working Holiday 嘅年輕人嚟旅行，財力有限，但佢哋尊重地方文化、守規矩、唔滋擾人、唔霸位霸地方，更唔會用「攻略」心態去蠶食公共資源。人地窮得體面，而唔係窮得霸道。
試諗下，如果你個旅遊業界係靠「窮遊特種兵」頂住個場，咁你真係幾閉翳。佢哋唔洗錢，反而用緊納稅人嘅公帑：包括公共設施、治安、清潔、交通甚至煙花無人機 show，樣樣都要政府「落重本」，期望旅客喺私人市場消費換來稅收回報。但最終呢班人白吃白喝，乜都睇晒，着數攞晒，就拍拍屁股走人。你叫呢啲係旅遊？唔好呃自己，呢啲係資源蠶食。
講到底，問題根源喺特區政府。戰略錯誤、資源錯配，將所有焦點都放喺取悅大陸遊客，以為「中國香港好」就係金科玉律。現實係，如果中國本身都唔掂，香港點會好得去邊？放錯重點，只會愈走愈遠，愈做愈傷。
#請大家到Patreon會員專區
#會員專區會有更多精彩內容
#在留言區內附有文章連結
#請多多支持本人patreon
#文字有價有力量
#YouTube同IG都開通咗喇
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。
香港政府一心希望重振旅遊業，但根據數字顯示，現時有超過八成來港旅客來自中國大陸，當中唔少屬於所謂嘅「窮遊特種兵」。佢哋用最低嘅開支周遊香港，着數攞盡，對本地經濟帶嚟嘅，唔係實質消費，而只係人流數字嘅堆砌。瞓麥當勞、紮營公園，連買支水都要計到盡：呢種模式，對香港目前疲弱嘅經濟，又真係有幾大幫助？
講到尾，其實「窮」唔係問題，以前日本都有節目如《電波少年》，唔係一樣係「窮遊」咩？但當年冇而家咁嘅小紅書效應，唔會鼓吹人人都用最少錢掃盡景點。最大嘅分別，係心態：以前係真係冇錢，係為咗圓夢，慳得就慳；而家講緊嘅，係一種貪平攞着數嘅「戰術」，連個名都起得咁具攻擊性：「特種兵」已經帶有一種衝擊、佔領、零尊重嘅味道。
反觀澳洲，亦有唔少背包客或 Working Holiday 嘅年輕人嚟旅行，財力有限，但佢哋尊重地方文化、守規矩、唔滋擾人、唔霸位霸地方，更唔會用「攻略」心態去蠶食公共資源。人地窮得體面，而唔係窮得霸道。
試諗下，如果你個旅遊業界係靠「窮遊特種兵」頂住個場，咁你真係幾閉翳。佢哋唔洗錢，反而用緊納稅人嘅公帑：包括公共設施、治安、清潔、交通甚至煙花無人機 show，樣樣都要政府「落重本」，期望旅客喺私人市場消費換來稅收回報。但最終呢班人白吃白喝，乜都睇晒，着數攞晒，就拍拍屁股走人。你叫呢啲係旅遊？唔好呃自己，呢啲係資源蠶食。
講到底，問題根源喺特區政府。戰略錯誤、資源錯配，將所有焦點都放喺取悅大陸遊客，以為「中國香港好」就係金科玉律。現實係，如果中國本身都唔掂，香港點會好得去邊？放錯重點，只會愈走愈遠，愈做愈傷。
#請大家到Patreon會員專區
#會員專區會有更多精彩內容
#在留言區內附有文章連結
#請多多支持本人patreon
#文字有價有力量
#YouTube同IG都開通咗喇
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。
沒有留言:
發佈留言