20250503
【大家咁高咁大，但佢哋係大爺，你同我係透明人】
五一黃金周嘅週六中午，到市中心商場及超市打咗個白鴿轉，擦身而過嘅九成都係講普通話，呢一刻我覺得我先係旅客。香港政府，零售飲食及旅遊業眼中只有旅客，所以佢哋係大陸旅客，我哋亦係香港旅客，香港係冇居民嘅。
大家都係旅客，一齊排隊買嘢食，你係窮遊，我又係窮撚，大家咁高咁大，但係佢哋就有旅客優惠我就冇。管理呢個城市嘅人眼中只有佢哋，我哋就長期被視作透明。排排下心灰意冷，返屋企丁個麵然後上網算鳩數。
圖中係另一件事，但同我嘅感受有類近之處，所以借嚟一用。我唔會怪圖中訓老麥嘅旅客，換轉係我，我明明係窮撚，但鄰近城市當我大爺，仲有旅客優惠喎，咁我老虎蟹都去做幾日大爺啦。即係咁，我短衫短褲成陣汗味，走入文華high tea，文華竟然唔撚趕我，話我可以隨便坐，仲免費比杯可樂我飲，咁我更係老實不客氣啦，呢啲係人之常情。
你話香港政府R返嚟嘅係大豪客，買衫係指住成櫃打橫咁掃，每隻色每個size一兩件咁買，咁香港居民條氣反而會順喎，因為佢有錢過我呀嘛。但而家鄰近大陸城市對香港各區已經熟過你同我，早己變得精打細算，唔撚會再隨便做水魚客；另一方面，香港政府早已玩爛晒大陸個自由行制度，已經R冇可R，R到去四五線城市。R返嚟嘅分分鐘窮過你同我，但管理香港個班人就當呢班人係上賓，係大爺，望都望過身邊嘅香港居民，咁香港居民有乜嘢法子呢？
旅遊，飲食及零售業視佢哋為救世主嘛，五一之後又會叫香港政府乞多幾個四五線城市做自由行嘛，咪由鳩佢哋囉，睇下救得幾多。香港人就買外賣返屋企食，食飽就上網，係網上面買本來諗住係街鋪買嘅嘢。
所以呢，真係唔好屌鳩香港人消費意欲低。係香港生活，係真係好撚frustrated。
五一黃金周嘅週六中午，到市中心商場及超市打咗個白鴿轉，擦身而過嘅九成都係講普通話，呢一刻我覺得我先係旅客。香港政府，零售飲食及旅遊業眼中只有旅客，所以佢哋係大陸旅客，我哋亦係香港旅客，香港係冇居民嘅。
大家都係旅客，一齊排隊買嘢食，你係窮遊，我又係窮撚，大家咁高咁大，但係佢哋就有旅客優惠我就冇。管理呢個城市嘅人眼中只有佢哋，我哋就長期被視作透明。排排下心灰意冷，返屋企丁個麵然後上網算鳩數。
圖中係另一件事，但同我嘅感受有類近之處，所以借嚟一用。我唔會怪圖中訓老麥嘅旅客，換轉係我，我明明係窮撚，但鄰近城市當我大爺，仲有旅客優惠喎，咁我老虎蟹都去做幾日大爺啦。即係咁，我短衫短褲成陣汗味，走入文華high tea，文華竟然唔撚趕我，話我可以隨便坐，仲免費比杯可樂我飲，咁我更係老實不客氣啦，呢啲係人之常情。
你話香港政府R返嚟嘅係大豪客，買衫係指住成櫃打橫咁掃，每隻色每個size一兩件咁買，咁香港居民條氣反而會順喎，因為佢有錢過我呀嘛。但而家鄰近大陸城市對香港各區已經熟過你同我，早己變得精打細算，唔撚會再隨便做水魚客；另一方面，香港政府早已玩爛晒大陸個自由行制度，已經R冇可R，R到去四五線城市。R返嚟嘅分分鐘窮過你同我，但管理香港個班人就當呢班人係上賓，係大爺，望都望過身邊嘅香港居民，咁香港居民有乜嘢法子呢？
旅遊，飲食及零售業視佢哋為救世主嘛，五一之後又會叫香港政府乞多幾個四五線城市做自由行嘛，咪由鳩佢哋囉，睇下救得幾多。香港人就買外賣返屋企食，食飽就上網，係網上面買本來諗住係街鋪買嘅嘢。
所以呢，真係唔好屌鳩香港人消費意欲低。係香港生活，係真係好撚frustrated。
沒有留言:
發佈留言