【黑鏡線索】
身邊唔少朋友，近年開始發現，以前讀書原來俾中學中史科洗咗腦，紛紛想解毒。呢啲用fake news堆砌出嚟嘅中史，深入骨髓，解毒係一個艱巨嘅工程，但遲做好過唔做。
身邊唔少朋友，近年開始發現，以前讀書原來俾中學中史科洗咗腦，紛紛想解毒。呢啲用fake news堆砌出嚟嘅中史，深入骨髓，解毒係一個艱巨嘅工程，但遲做好過唔做。
解毒嘅第一步，係拒絕使用有洗腦作用嘅稱呼，例如「香港回歸」。叫「回歸」，令你覺得好似借咗嘢要還咁，好似英國問人借咗部遊戲機，玩完還返畀人咁。好似本身香港有寶，所以英帝國強借，掠奪清帝國嘅成果，而家終於物歸原主，正義得到彰顯。實情呢？英帝割香港島嘅時候，個島得幾千人，主要聚居赤柱一帶，可以話係荒島。一個荒島，俾英帝管治，短短幾十年，就變成國際都市，上海爛灘係咁，香港荒島又係咁。如果當年英國揀嘅係大熱之一嘅舟山，咁東方之珠就係舟山，唔係香港。一次又一次證明，英帝指住邊到話要有光，就有光。
英國借香港 如畢加索借白紙
所以，先唔理邊忽借邊忽割，或者究竟邊個先係清帝繼承人，係，技術上係借，不過嗰種借，係例如畢加索問人借咗張白紙，喺上面係咁咦畫幅傑作，然後「歸還」張紙畀人，咁理解就差唔多。荒島塊地只係張白紙，清帝國幾百年都變唔出乜鬼嘢，荒島上建立嘅文明同制度，先至值錢。硬件唔值錢，軟件先值。我諗就算道光帝翻生，都唔敢邀功，明明只係出豉油，講到自己出雞咁。
換句話講，現代意義嘅香港，包括「香港」呢個稱呼，都係英帝治下嘅發明。從一出世開始，香港就係一個西方文明產物，第一日就已經屬於自由文明世界一員，所謂「回歸」，係好厚顏無恥嘅講法。反洗腦嘅叫法，係「移交」，唔係「回歸」，係「移交」。九七年，香港嘅政權，由自由文明世界嘅英國，「移交」咗畀非自由文明世界嘅中國政權。呢一點改正咗，好多其他事情就比較易解毒。
鄧總設計師，口講「英國人做到的，中國人必定可以做到」。通常講到咁煞有介事，咁「必定」嘅，都係心虛。歷史上完全冇任何證據支持中國人都整到香港出嚟，鄧自己應該最清楚不過，如果唔係，都唔使特登整個兩制，去保護香港嘅成果。只不過中華膠人民心靈脆弱，中華民族神話吹大咗，口頭上就點都要撐埋落去。
換句話講，現代意義嘅香港，包括「香港」呢個稱呼，都係英帝治下嘅發明。從一出世開始，香港就係一個西方文明產物，第一日就已經屬於自由文明世界一員，所謂「回歸」，係好厚顏無恥嘅講法。反洗腦嘅叫法，係「移交」，唔係「回歸」，係「移交」。九七年，香港嘅政權，由自由文明世界嘅英國，「移交」咗畀非自由文明世界嘅中國政權。呢一點改正咗，好多其他事情就比較易解毒。
鄧總設計師，口講「英國人做到的，中國人必定可以做到」。通常講到咁煞有介事，咁「必定」嘅，都係心虛。歷史上完全冇任何證據支持中國人都整到香港出嚟，鄧自己應該最清楚不過，如果唔係，都唔使特登整個兩制，去保護香港嘅成果。只不過中華膠人民心靈脆弱，中華民族神話吹大咗，口頭上就點都要撐埋落去。
港獨先鋒 毛主席冇堅持「兩國」
有人問，中國同英國只不過係兩個唔同國家，乜講到自由文明世界內外咁大區別？呢個正正係問題核心。晚清成日俾人搞，好大程度上，係因為佢硬係學唔識世界文明遊戲規則，例如火燒圓明園係要懲罰清國虐殺英國大使團，所謂嘅「第二次鴉片戰爭」係要懲罰清國唔履行上一次鴉片戰爭後簽嘅條款。你睇，英國臨近九七，會攞住自己八十年前簽嘅約去傾續約，呢一邊廂？五十年嘅中英聯合聲明，未過一半就話只係「歷史文件」要拎去博物館收藏啦。有啲嘢，真係一百幾十年都係冇進步過。
毛主席當年，明明喺全世界浩浩蕩蕩嘅反殖反帝潮流中，隨時可輕易用武力奪取香港（唔係「收回」），點解冇咁做？唔係出於善心，而係因為佢好清楚，兩國兩制，好明顯對中共最有利，例如韓戰禁運時期，可以經香港所謂愛國商人偷運物資，所以一直堅持維持兩國，係兩國嘅最大守護者，完全唔介意港督人選冇先畀中國政權抽秤佢係咪愛國愛黨，顯示出高度大戰略智慧。喺守衞中港區隔實質效果上，毛係堅定不移嘅港獨先鋒。
到咗鄧總設計師，冇毛主席咁大自信去捍衞兩國兩制。鄧決定唔續新界張租約，逼英國交出政權，變成一國。但佢又冇蠢到變一國一制，而係設計個兩制，意圖用高度自治、港人治港，去令香港繼續留喺自由文明世界，五十年不變，繼續享有自由文明世界成員嘅待遇，而呢個承諾，就係西方各國延續對香港特殊待遇嘅最大前提。所以，九七年之後五十年，西方勢力，絕對唔係冇stake嘅曱甴，而係有理有責，喺承諾被違背嘅時候，果斷插手香港事務。
David Webb提出一個講法，將不同國家地區，分為四類：自由民主兩者皆有、兩者皆冇、有民主冇自由、有自由冇民主。Webb指出，兩者都有嘅好多，所謂自由文明世界，就係兩者皆有。兩者皆冇如北韓、伊朗等都唔少。但係好似香港咁，有自由冇民主就好罕有，原因係呢個組合好難維持，屬於過渡性質，長遠始終都要變，一係變兩者都有，一係兩者都冇。
咁樣睇，英治時期，香港同意停留喺有自由冇民主咁多年，管治上真係高難度動作，英國殖民政府做得到，但其實去到後期亦都要畀香港越來越多民主。都係嗰句，英國人做得到，絕對唔代表中國人做得到。移交後廿二年，中共不但唔肯落實鄧設計核心嘅雙普選，反而越嚟越如777踢爆，粗暴插手自治範圍嘅治權，同毛嘅兩國兩制，鄧嘅一國兩制，越行越遠。
國際地位，面係人哋畀。香港一旦冇咗開埠以嚟就建立嘅國際地位，其實就即係死亡。變咗大灣區另一個佛山，就算繼續叫「香港」，都係自欺欺人。但中港政權，就硬係要鏟除毛鄧捍衞嘅中港區隔，實際效果係送香港一程。8.31宣佈雙普選承諾壽終正寢，係第一把火，香港人發現真係被跣鑊金，於是激發雨傘反抗，但係勢孤力弱，俾689政權拖散咗。
毛主席當年，明明喺全世界浩浩蕩蕩嘅反殖反帝潮流中，隨時可輕易用武力奪取香港（唔係「收回」），點解冇咁做？唔係出於善心，而係因為佢好清楚，兩國兩制，好明顯對中共最有利，例如韓戰禁運時期，可以經香港所謂愛國商人偷運物資，所以一直堅持維持兩國，係兩國嘅最大守護者，完全唔介意港督人選冇先畀中國政權抽秤佢係咪愛國愛黨，顯示出高度大戰略智慧。喺守衞中港區隔實質效果上，毛係堅定不移嘅港獨先鋒。
到咗鄧總設計師，冇毛主席咁大自信去捍衞兩國兩制。鄧決定唔續新界張租約，逼英國交出政權，變成一國。但佢又冇蠢到變一國一制，而係設計個兩制，意圖用高度自治、港人治港，去令香港繼續留喺自由文明世界，五十年不變，繼續享有自由文明世界成員嘅待遇，而呢個承諾，就係西方各國延續對香港特殊待遇嘅最大前提。所以，九七年之後五十年，西方勢力，絕對唔係冇stake嘅曱甴，而係有理有責，喺承諾被違背嘅時候，果斷插手香港事務。
David Webb提出一個講法，將不同國家地區，分為四類：自由民主兩者皆有、兩者皆冇、有民主冇自由、有自由冇民主。Webb指出，兩者都有嘅好多，所謂自由文明世界，就係兩者皆有。兩者皆冇如北韓、伊朗等都唔少。但係好似香港咁，有自由冇民主就好罕有，原因係呢個組合好難維持，屬於過渡性質，長遠始終都要變，一係變兩者都有，一係兩者都冇。
咁樣睇，英治時期，香港同意停留喺有自由冇民主咁多年，管治上真係高難度動作，英國殖民政府做得到，但其實去到後期亦都要畀香港越來越多民主。都係嗰句，英國人做得到，絕對唔代表中國人做得到。移交後廿二年，中共不但唔肯落實鄧設計核心嘅雙普選，反而越嚟越如777踢爆，粗暴插手自治範圍嘅治權，同毛嘅兩國兩制，鄧嘅一國兩制，越行越遠。
國際地位，面係人哋畀。香港一旦冇咗開埠以嚟就建立嘅國際地位，其實就即係死亡。變咗大灣區另一個佛山，就算繼續叫「香港」，都係自欺欺人。但中港政權，就硬係要鏟除毛鄧捍衞嘅中港區隔，實際效果係送香港一程。8.31宣佈雙普選承諾壽終正寢，係第一把火，香港人發現真係被跣鑊金，於是激發雨傘反抗，但係勢孤力弱，俾689政權拖散咗。
好勝777 入硬影響中國百人名單
雨傘之後幾年，輪到西方國家發現自己三十年來一直嚴重誤判，錯信流氓政權，於是態度一百八十度改變。喺呢個咁關鍵嘅時刻，777因為自己嘅好勝同邪惡，睇死香港人已冇抗爭意志，走去進一步開猛個火，終於爆煲，令香港由毛鄧等當年嘅中國對外窗口，變成中共違反國際遊戲規矩嘅有力證據，變成力抗邪惡政權嘅最前線。
777而家想洗白，想矮化自己嘅角色，當然係冇可能成功。777食正天時地利，台都未落，就篤定打入影響中國近代一百人名單，睇怕應該係香港史上第一人，當之無愧，後無來者。
777而家想洗白，想矮化自己嘅角色，當然係冇可能成功。777食正天時地利，台都未落，就篤定打入影響中國近代一百人名單，睇怕應該係香港史上第一人，當之無愧，後無來者。
撰文：宋漢生
沒有留言:
發佈留言