20250612
《時事剪影》－扮晒嘢的州長
加州暴動持續，非法入境者繼續同美國國民警衛隊對峙甚至暴力衝突。我喺馬斯克嘅X平台碌緊啲post，見到有一條用簡體字寫嘅貼文，播出咗一段加州州長紐森上電視嘅講話，當中佢語氣正氣凜然，話「侵侵唔好搞我啲人民，要拉就拉我」。貼文作者仲形容佢係「真正嘅英雄」。
問題嚟喇，州長呢番說話正正就係典型嘅「混淆視聽」。首先，街上搞事嘅人，大多數根本係非法入境者，喺加州逾期居留多年，完全唔具備合法居民身份。既然如此，佢哋又點會係你所謂嘅「人民」？又憑咩要國家機器去「保護」佢哋？當然，左翼一貫嘅立場就係訴諸「大愛」，認為呢班人都係人，都值得尊重、對話、接納，唔應該一捉就遣返。但講真，呢啲人係非法入境者，佢哋可以擁有所有嘅基本人權，唯一冇嘅就係居留權，呢個身份本身就已經講明晒一切。
多年以來，加州默許佢哋滯留，實質上係因為呢班人充當咗一批廉價勞工，留喺加州範圍內唔敢亂走，一離州就分分鐘俾人捉去遣返。咁樣睇，其實真正剝削緊佢哋嘅，唔係右派，而正正就係呢班扮晒開明嘅左翼政客，包括紐森自己。
呢班非法移民長期匿藏加州，充當黑工，講到底根本冇受最低工資保障。佢哋所謂嘅「工作權益」根本唔存在，加州當局一直扮睇唔到，並唔係出於仁慈，而係唔捨得失去呢班勞動力。事實上，美國農業、製造業、建築業多年嚟早已嚴重依賴呢啲非法勞工，就係因為佢哋夠平、夠乖、好使好用。
我唔係話呢班人冇貢獻，佢哋確實做咗唔少工作，但講到底，佢哋喺美國始終冇合法身份，唔可以因為「辛苦咗」就自動變咗「居民」。佢哋係黑市勞工，唔係你州長口中嘅「人民」。用再多冠冕堂皇嘅說法，都改變唔到一個現實：呢班人係非法入境者，一旦國家要清場、整頓，佢哋就會面對拘捕同遣返。
當然，今次咁大件事，好多人可能希望搏個特赦，但要記住，特赦只係一時政策，並唔代表身份問題就此解決。就算喺美國生仔、結婚，都唔代表你自然擁有合法居留資格。
紐森嘅講法，根本毫無邏。你點樣正氣凜然都好，背後其實一定有政治盤算。依家出面捉緊嘅非法移民，唔係你講到咁「可憐」、「良善」，當中唔少人本身就有刑事前科，係犯咗事嘅人。當然，殺錯良民有可能發生，但任何執法行動都存在風險，講句現實啲，呢啲係無可避免。
今次風波肯定仲會繼續發酵，民主黨亦一定唔會放過呢個政治機會，誓要藉此打擊特朗普勢力。紐森究竟能唔能夠喺呢場風波中全身而退，關鍵就係睇美國選民對佢今次表現嘅取態。如果社會進一步分裂，內戰風險會越發增加，咁就啱晒中國荷車，佢可以一邊食花生，一邊等睇戲。
#全文請到Patreon會員專區
#會員專區會有更多精彩內容
#在留言區內附有文章連結
#請多多支持本人patreon
#文字有價有力量
#YouTube同IG都開通咗喇
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。
加州暴動持續，非法入境者繼續同美國國民警衛隊對峙甚至暴力衝突。我喺馬斯克嘅X平台碌緊啲post，見到有一條用簡體字寫嘅貼文，播出咗一段加州州長紐森上電視嘅講話，當中佢語氣正氣凜然，話「侵侵唔好搞我啲人民，要拉就拉我」。貼文作者仲形容佢係「真正嘅英雄」。
問題嚟喇，州長呢番說話正正就係典型嘅「混淆視聽」。首先，街上搞事嘅人，大多數根本係非法入境者，喺加州逾期居留多年，完全唔具備合法居民身份。既然如此，佢哋又點會係你所謂嘅「人民」？又憑咩要國家機器去「保護」佢哋？當然，左翼一貫嘅立場就係訴諸「大愛」，認為呢班人都係人，都值得尊重、對話、接納，唔應該一捉就遣返。但講真，呢啲人係非法入境者，佢哋可以擁有所有嘅基本人權，唯一冇嘅就係居留權，呢個身份本身就已經講明晒一切。
多年以來，加州默許佢哋滯留，實質上係因為呢班人充當咗一批廉價勞工，留喺加州範圍內唔敢亂走，一離州就分分鐘俾人捉去遣返。咁樣睇，其實真正剝削緊佢哋嘅，唔係右派，而正正就係呢班扮晒開明嘅左翼政客，包括紐森自己。
呢班非法移民長期匿藏加州，充當黑工，講到底根本冇受最低工資保障。佢哋所謂嘅「工作權益」根本唔存在，加州當局一直扮睇唔到，並唔係出於仁慈，而係唔捨得失去呢班勞動力。事實上，美國農業、製造業、建築業多年嚟早已嚴重依賴呢啲非法勞工，就係因為佢哋夠平、夠乖、好使好用。
我唔係話呢班人冇貢獻，佢哋確實做咗唔少工作，但講到底，佢哋喺美國始終冇合法身份，唔可以因為「辛苦咗」就自動變咗「居民」。佢哋係黑市勞工，唔係你州長口中嘅「人民」。用再多冠冕堂皇嘅說法，都改變唔到一個現實：呢班人係非法入境者，一旦國家要清場、整頓，佢哋就會面對拘捕同遣返。
當然，今次咁大件事，好多人可能希望搏個特赦，但要記住，特赦只係一時政策，並唔代表身份問題就此解決。就算喺美國生仔、結婚，都唔代表你自然擁有合法居留資格。
紐森嘅講法，根本毫無邏。你點樣正氣凜然都好，背後其實一定有政治盤算。依家出面捉緊嘅非法移民，唔係你講到咁「可憐」、「良善」，當中唔少人本身就有刑事前科，係犯咗事嘅人。當然，殺錯良民有可能發生，但任何執法行動都存在風險，講句現實啲，呢啲係無可避免。
今次風波肯定仲會繼續發酵，民主黨亦一定唔會放過呢個政治機會，誓要藉此打擊特朗普勢力。紐森究竟能唔能夠喺呢場風波中全身而退，關鍵就係睇美國選民對佢今次表現嘅取態。如果社會進一步分裂，內戰風險會越發增加，咁就啱晒中國荷車，佢可以一邊食花生，一邊等睇戲。
#全文請到Patreon會員專區
#會員專區會有更多精彩內容
#在留言區內附有文章連結
#請多多支持本人patreon
#文字有價有力量
#YouTube同IG都開通咗喇
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。
沒有留言:
發佈留言