Morefan Hamiba YT Lam狂氏電影綜合症候群
20250422
《#戰役》講幾句....
戰爭片，唔一定要似《珍珠港》、《黑鷹15小時》、《13小時班加西》咁大製作至好睇嘅。
阿歷士嘉倫電影作品，唔一定要似《智能叛侶》、《滅境》、《美帝崩裂》、悶...打錯，係《們》咁深理論、咁多比喻、咁意像嘅。
《們》我瞌著太多次
，我當冇睇過
。
，我當冇睇過。阿歷士嘉倫今次用最簡單、最傳統嘅電影手法，講一個最簡單，簡單到算係「冇故事」嘅「事故」。
連士兵/角色嘅背景、家庭、性格、同僚間嘅關係、感情，通通唔描述。
直接啲，只為畀觀眾體驗戰爭嘅無聊、無謂、可怕、殘酷。
前半段無聊到，連最悶疍嘅通訊對話、寫筆記、舒展身體、飲啖水疴篤尿，都拍畀你睇。
而且，全片只有環境聲，全冇BGM製造氣氛。
唔夠精神嘅觀眾隨時瞓足半場。留番等串流上線嘅，估計頂唔到15分鐘就會棄。
我就ok，唔覺悶，反而覺得好有山雨欲來嘅繃緊感覺。
到展開攻守嘅後半段開始，槍林彈雨、子彈橫飛，炸彈爆炸後嘅塵土飛揚、煙霧瀰漫、震耳暫聾
、屍體斷肢碎片遍地。
、屍體斷肢碎片遍地。決定撤退後嘅安排部署，路線、走位、企位、如小學生嘅排隊隊，全部以常規平實嘅拍攝同剪接，如戰地記者般如實噉展現你睇。
連 handheld 都冇刻意去揈。
我唔係軍事迷，只係喜歡睇戰爭片槍戰片，一般戰爭片，無論有冇真誠意，都附帶反戰訊息。
而《戰役》更多咗戰爭嘅無謂、無聊，傷員受重傷嘅慘況、痛楚。
真係唔好打仗喇！打貿易戰已經夠慘喇！
沒有留言:
發佈留言