《美國隊長4：勇敢新世界》短評幾句

 

晞。觀影記事

20250213

【《美國隊長4：勇敢新世界》短評幾句】

一如以往，請唔好留言劇透，雖然個人覺得呢套冇乜好透...

1. 入場前完全冇期望，用返《黑豹2》、《Marvel隊長2》一類心態去睇，又未至於未睇先插差到咁，補拍咁多次都有佢作用，最少做到基本娛樂性——近年Marvel連呢點都做唔到

2. 原先話動作場面唔夠好睇，補拍大量動作場面，由開場嘅追逐到中段嘅空中截擊、壓軸嘅大戰，幕幕都拍得出所需嘅刺激感，呢一點好有驚喜

3. Marvel近年套套都有IMAX畫幅，呢套唔會係又用唔係又用，重點嘅IMAX鏡頭好有氣勢，驚喜係聲效都完全做到臨場效果，幾場飛行同頭頂爆破效果好立體，真係覺得聲效360度四面八方包圍，如果睇ATMOS都應該唔差

4. 近年Marvel特技效果都為人詬病，今次終於唔太卡通化

5. 故事上冇為咗鋪呢樣果樣、加入新角色而缺乏故事嘅核心，彩蛋位冇咁多，最少唔會太混亂

6. Marvel證實個個喪插而小弟好鍾意嘅《永恆族》（觀後感留言睇）係有存在過

7. 衰在佢跟住「美國隊長」個品牌，上兩集無論劇情同動作場面在太精彩，今次咁講故事手法就太平庸，而新美國隊長講經太多太認真，亦令中段有悶場兼且冇本身美國隊長混入埋諜戰嘅壓迫感

8. Marvel如今反派似乎都係好耐之前某件事「Collateral damage」走返嚟復仇？呢個仲要係搞咁多年先返嚟報仇...

9. 利申冇任何反唔反政治正確諗法，講得通而演得好，咩人做都接受到，只係一個普通人夾硬捧上做美國隊長——我好憎《飛隼與寒冬戰士》（觀後感留言睇），咁樣打法係冇乜說服力

10. 你唔可以話佢差，Marvel近年實在太多劣作，但對比全盛時間作品，佢又冇咩特別。唔知之後會鋪啲咩，作為第五階段作品算比較出眾啦

《#美國隊長4勇敢新世界》觀後感全文請看留言連結。

後記：睇完《秘密入侵》之後我覺得每個政府機構應該都被滲透咗，咁外星人唔知又可唔可以被控制？咪住先，依家係咪當《秘密入侵》冇發生過...

各款Marvel商品現正進行限定優惠，低至半價！請即到留言連結選購！