20260205
［大陸考察團，學生熟架步，教師：夜間保安應由教育局負責］
香港四邑商工總會黃棣珊紀念中學1月中旬赴中山考察，回港後有學生舉報兩男一女同學行程期間晚上擅離酒店，外出飲酒，租住房間過夜，隨團教師毫不知情。
中国考察團近年連番出事，已非新聞。今次事件，小編留意到社會反應更多關注由教育局主辦的考察團在制度和系統上存在的問題。有一位曾帶團無數的資深教師聯繫小編，分享了不少重要資訊。
小編：「未請教點稱呼。」
「憎Sir，憎恨個憎。」
「嘩，你似乎好有怨氣喎。」
▹▹教育局貼錢大陸學生回家過夜
「是的，我帶過無數咁多團，有無數咁多苦水，今次終於不吐不快！先回應黃棣珊呢單嘢。老實講，行內人都知，大把𡃁仔都想出去玩，只係有冇爆出嚟、有冇低能到自拍，例如食串燒記小過 (https://www.facebook.com/share/1AKvcPcNBr) 、梅州夜繽紛(https://www.facebook.com/share/1aagTJXjWK) 兩單。而家啲學生深信祖國好安全，尤其上面落嚟嗰班，根本玩慣玩熟，叻過你班Miss阿Sir，EDB只係貼錢贊助佢哋返自己地頭免費過夜。」
憎Sir續說：「頭嗰兩年我哋天真以為EDB會要求旅行社book清幽啲嘅酒店俾學生團。點知祖國實在太夜繽紛，無論一二三線城市，K房波樓酒吧，都梗有一間係你酒店左近。第一晚架旅遊巴臨到酒店，沿路燈紅酒綠，啲學生已經興奮到嘩嘩聲。酒店房望出窗，對面一街都係串燒檔茶飲店，佢哋點忍？」
「有人話叫老師通宵守喺酒店𨋢口，你估我哋未試過咩！我哋後生嘅同事負責守半夜，副校就清晨接更，佢話自己老人家慣咗天未光早起身抵諗啲喎。至於有人話通宵更記得要有補水，最慘有錢冇命享呢！唔好忘記第二朝你仲要繼續由朝到晚帶隊趕行程！如果去四、五日長線團，我睇你點頂！」
▹▹學生可經走火樓梯直達街外
「講返守𨋢口，我哋真係守過！點知一到埗，EDB規定走火警，酒店職員直接教學生點由酒店東西兩翼共4條後樓梯直達街外！我哋點樣即時變多4個唔使瞓嘅實Q同事守住4條後樓梯呀？」
小編驚問：「咁學生亂用走火樓梯，alarm唔會響咩？」
憎Sir嘆曰：「同宏福苑一樣，alarm係唔會響嘅，酒店啲職員都係直接行後樓梯，方便上落，呢一點經常北上旅遊嘅朋友都知，好常見。」
小編：「啲酒店咪冇掩雞籠？唔驚房間俾人爆格？」
憎Sir：「而家驚學生爆房多啲囉。新聞報導話有家長對校方在考察團中疏忽監督學生感到擔憂及失望。其實啲家長期望學校點監督學生？廿四小時貼身監視？有一年，嗰屆有幾pair情侶，驚佢哋過房玩，就學行家分享咁，淘寶啲封條黐住房門，但都係驚學生或家長投訴校方侵犯人權。」
小編：「學生可能覺得，你記缺點小過大過咪記飽佢，考完DSE入大專又一條好漢。」
憎Sir：「我仲想分享關於患病嘅經歷。跌親損傷傷風感冒回南天腸胃炎，老師陪診去醫院奔波勞碌就基本啦。傳染病先緊要。有次，有個女同學發燒，去醫院check到COVID，醫生指示要接受隔離，換言之佢需要獨立一間房。按常理梗係要分開佢同roommate，安排個冇病嘅去其他女仔房加床啦。點知隨團EDB代表話No，唔得，唔可以俾學生自己一個一間房。」
小編驚呆：「吓？」
憎Sir：「當時係聖保羅男生響杭州自殺後不久，所以就算醫學原因要隔離，EDB都企硬唔准，傳染病都冇情講，佢要求我哋派個Miss同個病人同房。剩低嘅行程，個Miss都留喺酒店度陪瞓、照顧個女仔嘅飲食。個女同事就捱義氣戴實個口罩頂硬上，但呢單嘢返嚟同啲同事傾返先覺得細思極恐：萬一個女同事染疫，有咩衫長褲短，你點賠返個老婆俾人？其實嗰一刻，基於人權，個女同事係咪有權拒絕？假設校長越洋落order不得不依從EDB，咁基於勞工權益，係咪可以告校長罔顧職員安全？」
「仲有，留低個『死士』喺酒店，出去跟隊就少咗個manpower；如果再多個男生染疫，係咪要留多個阿Sir？咁大隊仲夠唔夠比例照顧學生？」
▹▹事故頻繁屬系統結構問題
「我教咗咁多年，公民科出現前都帶過無數團，從來都相安無事，點解近年零舍出事？你講得啱，真係系統結構問題。」
教育局《戶外活動指引》規定，師生比例不可少於1:10，但對於需要捱更抵夜、兼有疫症風險的中国考察團，這個比例明顯不足以應付。「額外陪診人手、陪瞓人手、守𨋢口人手、試毒人手……」，憎Sir說。「乜都『校本校本』，出咗事就『高度關注』，份指引就越加越長，不准呢樣不准嗰樣。伏就佢製造，老師就硬食。」
小編與另一位資深教師討論憎Sir的訪問內容，該師認為這是死局。「馮睎乾啱啱有文章講大陸考察團就像宏福苑咁，存在圍標，教育局夾硬要比錢左仔賺，每個學生人頭只係一個利益輸送單位，學生學唔學到嘢教育局話知你死，最緊要旅行社有錢賺，所以點解學生唔去都要比團費。唯今之計，比較實際嘅補救方法有兩個。第一，來自大陸或者經常往返大陸嘅學生，禁止佢哋參團，因為呢班最易出事；無錯咁樣班契弟會賺少咗，但可以源頭消滅教育局嘅尷尬、老師嘅辛勞。第二，亦係最重要，以後隨團教師只負責日間行程事宜，夜間保安、夜間學生行為，全交教育局負責。大佬，無老師自願去大陸㗎，你教育局作為主辦單位，淨係識糟質啲老師，要佢哋捱更抵夜，自己乜都唔上身，公平嗎？公社科中国考察團係政治任務，你要做就要付出代價，派一隊EDB做看更守門口囉，學生出咗事由EDB負責，唔好滾攪無辜嘅學校。個人認為，如果EDB唔應承呢兩個方案，學校應該絕不出團。」
香港四邑商工總會黃棣珊紀念中學1月中旬赴中山考察，回港後有學生舉報兩男一女同學行程期間晚上擅離酒店，外出飲酒，租住房間過夜，隨團教師毫不知情。
中国考察團近年連番出事，已非新聞。今次事件，小編留意到社會反應更多關注由教育局主辦的考察團在制度和系統上存在的問題。有一位曾帶團無數的資深教師聯繫小編，分享了不少重要資訊。
小編：「未請教點稱呼。」
「憎Sir，憎恨個憎。」
「嘩，你似乎好有怨氣喎。」
▹▹教育局貼錢大陸學生回家過夜
「是的，我帶過無數咁多團，有無數咁多苦水，今次終於不吐不快！先回應黃棣珊呢單嘢。老實講，行內人都知，大把𡃁仔都想出去玩，只係有冇爆出嚟、有冇低能到自拍，例如食串燒記小過 (https://www.facebook.com/share/1AKvcPcNBr) 、梅州夜繽紛(https://www.facebook.com/share/1aagTJXjWK) 兩單。而家啲學生深信祖國好安全，尤其上面落嚟嗰班，根本玩慣玩熟，叻過你班Miss阿Sir，EDB只係貼錢贊助佢哋返自己地頭免費過夜。」
憎Sir續說：「頭嗰兩年我哋天真以為EDB會要求旅行社book清幽啲嘅酒店俾學生團。點知祖國實在太夜繽紛，無論一二三線城市，K房波樓酒吧，都梗有一間係你酒店左近。第一晚架旅遊巴臨到酒店，沿路燈紅酒綠，啲學生已經興奮到嘩嘩聲。酒店房望出窗，對面一街都係串燒檔茶飲店，佢哋點忍？」
「有人話叫老師通宵守喺酒店𨋢口，你估我哋未試過咩！我哋後生嘅同事負責守半夜，副校就清晨接更，佢話自己老人家慣咗天未光早起身抵諗啲喎。至於有人話通宵更記得要有補水，最慘有錢冇命享呢！唔好忘記第二朝你仲要繼續由朝到晚帶隊趕行程！如果去四、五日長線團，我睇你點頂！」
▹▹學生可經走火樓梯直達街外
「講返守𨋢口，我哋真係守過！點知一到埗，EDB規定走火警，酒店職員直接教學生點由酒店東西兩翼共4條後樓梯直達街外！我哋點樣即時變多4個唔使瞓嘅實Q同事守住4條後樓梯呀？」
小編驚問：「咁學生亂用走火樓梯，alarm唔會響咩？」
憎Sir嘆曰：「同宏福苑一樣，alarm係唔會響嘅，酒店啲職員都係直接行後樓梯，方便上落，呢一點經常北上旅遊嘅朋友都知，好常見。」
小編：「啲酒店咪冇掩雞籠？唔驚房間俾人爆格？」
憎Sir：「而家驚學生爆房多啲囉。新聞報導話有家長對校方在考察團中疏忽監督學生感到擔憂及失望。其實啲家長期望學校點監督學生？廿四小時貼身監視？有一年，嗰屆有幾pair情侶，驚佢哋過房玩，就學行家分享咁，淘寶啲封條黐住房門，但都係驚學生或家長投訴校方侵犯人權。」
小編：「學生可能覺得，你記缺點小過大過咪記飽佢，考完DSE入大專又一條好漢。」
憎Sir：「我仲想分享關於患病嘅經歷。跌親損傷傷風感冒回南天腸胃炎，老師陪診去醫院奔波勞碌就基本啦。傳染病先緊要。有次，有個女同學發燒，去醫院check到COVID，醫生指示要接受隔離，換言之佢需要獨立一間房。按常理梗係要分開佢同roommate，安排個冇病嘅去其他女仔房加床啦。點知隨團EDB代表話No，唔得，唔可以俾學生自己一個一間房。」
小編驚呆：「吓？」
憎Sir：「當時係聖保羅男生響杭州自殺後不久，所以就算醫學原因要隔離，EDB都企硬唔准，傳染病都冇情講，佢要求我哋派個Miss同個病人同房。剩低嘅行程，個Miss都留喺酒店度陪瞓、照顧個女仔嘅飲食。個女同事就捱義氣戴實個口罩頂硬上，但呢單嘢返嚟同啲同事傾返先覺得細思極恐：萬一個女同事染疫，有咩衫長褲短，你點賠返個老婆俾人？其實嗰一刻，基於人權，個女同事係咪有權拒絕？假設校長越洋落order不得不依從EDB，咁基於勞工權益，係咪可以告校長罔顧職員安全？」
「仲有，留低個『死士』喺酒店，出去跟隊就少咗個manpower；如果再多個男生染疫，係咪要留多個阿Sir？咁大隊仲夠唔夠比例照顧學生？」
▹▹事故頻繁屬系統結構問題
「我教咗咁多年，公民科出現前都帶過無數團，從來都相安無事，點解近年零舍出事？你講得啱，真係系統結構問題。」
教育局《戶外活動指引》規定，師生比例不可少於1:10，但對於需要捱更抵夜、兼有疫症風險的中国考察團，這個比例明顯不足以應付。「額外陪診人手、陪瞓人手、守𨋢口人手、試毒人手……」，憎Sir說。「乜都『校本校本』，出咗事就『高度關注』，份指引就越加越長，不准呢樣不准嗰樣。伏就佢製造，老師就硬食。」
小編與另一位資深教師討論憎Sir的訪問內容，該師認為這是死局。「馮睎乾啱啱有文章講大陸考察團就像宏福苑咁，存在圍標，教育局夾硬要比錢左仔賺，每個學生人頭只係一個利益輸送單位，學生學唔學到嘢教育局話知你死，最緊要旅行社有錢賺，所以點解學生唔去都要比團費。唯今之計，比較實際嘅補救方法有兩個。第一，來自大陸或者經常往返大陸嘅學生，禁止佢哋參團，因為呢班最易出事；無錯咁樣班契弟會賺少咗，但可以源頭消滅教育局嘅尷尬、老師嘅辛勞。第二，亦係最重要，以後隨團教師只負責日間行程事宜，夜間保安、夜間學生行為，全交教育局負責。大佬，無老師自願去大陸㗎，你教育局作為主辦單位，淨係識糟質啲老師，要佢哋捱更抵夜，自己乜都唔上身，公平嗎？公社科中国考察團係政治任務，你要做就要付出代價，派一隊EDB做看更守門口囉，學生出咗事由EDB負責，唔好滾攪無辜嘅學校。個人認為，如果EDB唔應承呢兩個方案，學校應該絕不出團。」
沒有留言:
發佈留言