我諗香港嘅達官權貴應該係世上對外人最有人情味，最體貼嘅有錢人。史健仁

史健仁

20250821 ·

處處為大陸人嘅感受著想，香港人嘅感受就彩你都生芒果，我諗香港嘅達官權貴應該係世上對外人最有人情味，最體貼嘅有錢人。

香港班達官權貴嘅人生歷練咁豐富，佢哋會唔知香港經濟問題嘅核心係乜？更係知啦，但佢哋就係永遠唔掂個核心，全部都專注搞核心以外幾尺遠嘅嘢，安全好多嘛。

一直以嚟都係外圍度鑽營，久而久之，就同真實及核心嘅社會脈絡脫晒節。成班人只能夠講眼前嘅嘢，或講下外勞。情況未轉差個陣，就大力支持輸入外勞，做外勞推銷員。情況轉差啦，就話暫停，等遲下勢色好轉，又會變返外勞推銷員，總之永遠唔會諗或了解香港勞工或香港消費者嘅感受。