20241102
杜琪峯接受BBC訪問
談近年創作低潮
“我覺得而家冇咗靈魂
包括我同香港都冇埋”
《鮮浪潮》被停止資助
“應該cut嗰啲唔cut
放下啲煙花 就當好繁榮
你呃邊個呀，大佬！
阿婆都呃唔到啦”
============================
人稱杜Sir的 #杜琪峯，近年在訪問中多次談到香港電影的前路，總是字字珠璣。熱愛香港，熱愛本土電影的他，近日接受BBC News訪問，活到69的 #杜Sir，繼續說想說的話，聰明地表達，以良心對待香港影業。
一開始主持問，除了2022年與一眾導演合拍電影《七人樂隊》，對上一部個人作品，已是5年前的事，問他最近有否籌備新作，杜Sir說近來創作上提不起勁，「最近係我人生裏，最低潮嘅時候。呢個係環境上嘅影響，感覺到原來人好脆弱，如果郁咗一啲嘢，係你平常習慣咗嘅嘢，其實會影響你好多思維……呢幾年會有好多懷疑，就係諗完一次又掉，唔知掉咗幾多嘢。
「因為嗰個究竟係我想要嘅，定係我作狀㗎！即使開咗幾日工，我最近開咗兩日，又停幾個月又開一日，係咪咩…江郎才盡？我又覺得唔係！但我又唔可以變出什麼來，喺度唔知等咩，受到啲咩環境影響？我諗你知過我啦，哈哈。」
【失去了靈魂】
他口中受影響，意指創作上，還是心態上，杜Sir謂︰「我一直都堅持喺香港拍戲，香港對我好重要，其實我覺得而家冇咗靈魂，包括我同香港都冇埋。」至於那個「靈魂」，他說︰「自由！言論嘅自由……同我生活咗幾十年嘅香港，係有幾大分別，呢個狀態點樣影響到你嘅電影創作他口中受影響，意指創作上，還是心態上，杜Sir謂︰「我一直都堅持喺香港拍戲，香港對我好重要，其實我覺得而家冇咗靈魂，包括我同香港都冇埋。」至於那個「靈魂」，他說︰「自由！言論嘅自由……同我生活咗幾十年嘅香港，係有幾大分別，呢個狀態點樣影響到你嘅電影創作#娛壹。」
【留下來的原因】
從影數十年，杜琪峯的作品多次入圍國際電影大獎，又是唯一在世界三大影展，擔任過評審的香港導演，他本有很多機會在外地發展電影夢，但偏偏一直留在香港。
「我好多機會去外國拍戲，但我都冇去嘅原因，我連香港自己成長嘅地方文化，都捉得唔夠準，咁我點可以仲去第二度學人哋嘅嘢，或者描述人哋啲嘢，呢個係我最過唔到自己嘅。
「香港而家嘅情況，藝術上或各方面都唔係一個好嘅時代，如果個個都唔喺度嘅時候，喺我嘅世界裏面，我背叛咗香港。但留喺度，又唔知自己想做乜，呢個就係我而家心態。」
杜Sir感到此時此刻，是他從影以來最艱難時期。「以前冇錢啫(資金開戲)，唔代表冇咗自己理想，但而家係冇咗！可能我未習慣，未來繼續係咁時候，你仲繼唔繼續你嘅電影世界。我要征服自己，或學習點去做。」
【黑社會都變質】
今年9月，他在紐約出席電影節，席上被問會否開拍《#黑社會》第3集，他說︰「拍咗就要『放逐』喇喎！」
今次訪問，同樣被追問何時開拍《黑社會3》。「原打算2010年拍，喺《奪命金》之前，但當時社會氣侯唔係咁啱，我當時諗到嘅橋段，之後真係發生咗。細節我唔講，大家睇到2010年打後時間，黑社會世界都唔同晒，唔係以前自己有自己(那套)，黑社會其實冇咗自己。2010年諗嘅故事裏，想講咩兄弟…根本都冇，已經散晒。但都維持講緊『election』，咁election有咩作用，就係當日故事命題。
「當然基於好多理由就冇拍，今日問我再拍第3集，係咪仲係當日諗法，又唔係，隨住你生活嘅地方同文化發展，你要抓住時代脈搏，你理念放喺電影上都要update。不能將2010年諗法，放喺2024年。」接着他帶點激動︰「黑社會世界變咗點，老實啲講，嗰源頭從邊度影響！」他強調自己一直喜歡電影，不是不想拍，只是一直「落唔到筆」。
【主唔到旋律】
主持說，與杜Sir同代的電影人，不少都北上發展拍主旋律電影，問他有冇人曾敲門邀請，他說︰「邊個會揾杜琪峯拍主旋律嘢，我都主唔到旋律，你揾我做咩啫，度完出嚟，佢話︰『喂，好唔主旋律得喎！』咁我做咩浪費時間同你主旋律啫。有嘅(有人搵)，但唔會，慢慢收到風，我個人係咁㗎啦！」
【應該cut嗰啲唔cut】
對於自己一手創立的《#鮮浪潮》被藝發局停止資助，杜Sir稱早於5、6年前已預料，「代表政府無信心，對人民無信心，對社會無信心，係咪先！佢哋一路都係受歡迎嘅嘢嚟㗎嘛，cut去做咩呢！應該cut嗰啲唔cut，放下啲煙花，就當香港好繁榮，你呃邊個呀，大佬！阿婆都呃唔到啦！啲人係咁㗎喎，因為佢哋唔使用腦㗎嘛，所以我話，當呢啲藝術所有嘅嘢，或者某啲社會上，完全政治咗嘅時候，係好傷。以香港發展，咁多年我哋係多元化，有冇《鮮浪潮》唔係最重要，有冇希望先係最重要嘅事。」
他說起初也想︰「如果完(《鮮浪潮》咪完囉，我何必喺度糾纏。」但眼見過去《鮮浪潮》培育不少電影新血，令杜Sir決意撐下去。「如果停辦，等於判咗（電影創作）呢條路死刑，話畀人聽我對年輕一代、或者呢啲嘢唔支持，或無能力做好，個訊息（傳遞出去的）唔好。如果藝術發展變成政治上面嘅東西，咁任何嘅藝術發展都會出現問題。」
過去《鮮浪潮》有多條參賽短片未能通過電檢，杜Sir認為這種審查不止是電影界，而是整體社會都面對「有條線」，「你只係隻蟻，踩唔中你，你好彩啫，踩中必死。」寄語年輕電影人，要懂得「聰明啲去走創作路線。」
【對比5年前 杜琪峯的改變】
問他對比5年前，此刻的杜琪峯有冇變？「其實都幾大變，因為我而家睇嘅戲都唔同嗮，我直情唔係好鐘意去戲院。以前後生嘅時候，乜嘢電影好唔好睇都去睇，而家冇乜價值嘅戲，唔好搞我。
「以前拍戲，我好多時都會考慮觀眾，我今天會考慮自己多啲，冇人睇咪冇人睇囉！如果冇人畀錢拍，咪自己諗辦法囉！」
【愛鄭保瑞 彈《九龍城寨》】
他說近期唯一吸引他入戲院睇的電影，是《#九龍城寨》。理由是他喜歡 #鄭保瑞 導演。不過有話直說的杜Sir，照樣批評《九龍城寨》的不足之處。「我好鐘意鄭保瑞，佢套《九龍城寨》我入去戲院㗎，一嚿水抵到爛啦！但對我嚟講，套戲唔好睇喎，我只讚佢拍得好。(主持︰邊個位唔好呢？)佢部戲調轉放喺《殺破狼》，咪又係一樣。要城寨嚟做咩啫！係咪先！佢搬去北角都得㗎。」
他說兩代電影人，對戲劇理念及學習基礎已改變，「而家佢哋會走向多啲技巧性嘅嘢，如果你話而家有啲走向比較戲劇，或者少少文學性嘅嘢，咁又好倫理，冇乜新意。
「我一路堅持一樣嘢，如果香港冇咗studio(片廠)，好難再發揮佢嘅效應…某啲人，唉…佢聽唔到(業內聲音)佢唔識呀嘛！佢以為而家做電影，批啲錢畀你哋做，就可以培養出新人，No No No No，嗰啲學校嚟嘅啫。係一定要喺電影業裏打真仗嘅人。」即電影業沒有太多框架下，才能再次蓬勃。
談近年創作低潮
“我覺得而家冇咗靈魂
包括我同香港都冇埋”
《鮮浪潮》被停止資助
“應該cut嗰啲唔cut
放下啲煙花 就當好繁榮
你呃邊個呀，大佬！
阿婆都呃唔到啦”
============================
人稱杜Sir的 #杜琪峯，近年在訪問中多次談到香港電影的前路，總是字字珠璣。熱愛香港，熱愛本土電影的他，近日接受BBC News訪問，活到69的 #杜Sir，繼續說想說的話，聰明地表達，以良心對待香港影業。
一開始主持問，除了2022年與一眾導演合拍電影《七人樂隊》，對上一部個人作品，已是5年前的事，問他最近有否籌備新作，杜Sir說近來創作上提不起勁，「最近係我人生裏，最低潮嘅時候。呢個係環境上嘅影響，感覺到原來人好脆弱，如果郁咗一啲嘢，係你平常習慣咗嘅嘢，其實會影響你好多思維……呢幾年會有好多懷疑，就係諗完一次又掉，唔知掉咗幾多嘢。
「因為嗰個究竟係我想要嘅，定係我作狀㗎！即使開咗幾日工，我最近開咗兩日，又停幾個月又開一日，係咪咩…江郎才盡？我又覺得唔係！但我又唔可以變出什麼來，喺度唔知等咩，受到啲咩環境影響？我諗你知過我啦，哈哈。」
【失去了靈魂】
他口中受影響，意指創作上，還是心態上，杜Sir謂︰「我一直都堅持喺香港拍戲，香港對我好重要，其實我覺得而家冇咗靈魂，包括我同香港都冇埋。」至於那個「靈魂」，他說︰「自由！言論嘅自由……同我生活咗幾十年嘅香港，係有幾大分別，呢個狀態點樣影響到你嘅電影創作他口中受影響，意指創作上，還是心態上，杜Sir謂︰「我一直都堅持喺香港拍戲，香港對我好重要，其實我覺得而家冇咗靈魂，包括我同香港都冇埋。」至於那個「靈魂」，他說︰「自由！言論嘅自由……同我生活咗幾十年嘅香港，係有幾大分別，呢個狀態點樣影響到你嘅電影創作#娛壹。」
【留下來的原因】
從影數十年，杜琪峯的作品多次入圍國際電影大獎，又是唯一在世界三大影展，擔任過評審的香港導演，他本有很多機會在外地發展電影夢，但偏偏一直留在香港。
「我好多機會去外國拍戲，但我都冇去嘅原因，我連香港自己成長嘅地方文化，都捉得唔夠準，咁我點可以仲去第二度學人哋嘅嘢，或者描述人哋啲嘢，呢個係我最過唔到自己嘅。
「香港而家嘅情況，藝術上或各方面都唔係一個好嘅時代，如果個個都唔喺度嘅時候，喺我嘅世界裏面，我背叛咗香港。但留喺度，又唔知自己想做乜，呢個就係我而家心態。」
杜Sir感到此時此刻，是他從影以來最艱難時期。「以前冇錢啫(資金開戲)，唔代表冇咗自己理想，但而家係冇咗！可能我未習慣，未來繼續係咁時候，你仲繼唔繼續你嘅電影世界。我要征服自己，或學習點去做。」
【黑社會都變質】
今年9月，他在紐約出席電影節，席上被問會否開拍《#黑社會》第3集，他說︰「拍咗就要『放逐』喇喎！」
今次訪問，同樣被追問何時開拍《黑社會3》。「原打算2010年拍，喺《奪命金》之前，但當時社會氣侯唔係咁啱，我當時諗到嘅橋段，之後真係發生咗。細節我唔講，大家睇到2010年打後時間，黑社會世界都唔同晒，唔係以前自己有自己(那套)，黑社會其實冇咗自己。2010年諗嘅故事裏，想講咩兄弟…根本都冇，已經散晒。但都維持講緊『election』，咁election有咩作用，就係當日故事命題。
「當然基於好多理由就冇拍，今日問我再拍第3集，係咪仲係當日諗法，又唔係，隨住你生活嘅地方同文化發展，你要抓住時代脈搏，你理念放喺電影上都要update。不能將2010年諗法，放喺2024年。」接着他帶點激動︰「黑社會世界變咗點，老實啲講，嗰源頭從邊度影響！」他強調自己一直喜歡電影，不是不想拍，只是一直「落唔到筆」。
【主唔到旋律】
主持說，與杜Sir同代的電影人，不少都北上發展拍主旋律電影，問他有冇人曾敲門邀請，他說︰「邊個會揾杜琪峯拍主旋律嘢，我都主唔到旋律，你揾我做咩啫，度完出嚟，佢話︰『喂，好唔主旋律得喎！』咁我做咩浪費時間同你主旋律啫。有嘅(有人搵)，但唔會，慢慢收到風，我個人係咁㗎啦！」
【應該cut嗰啲唔cut】
對於自己一手創立的《#鮮浪潮》被藝發局停止資助，杜Sir稱早於5、6年前已預料，「代表政府無信心，對人民無信心，對社會無信心，係咪先！佢哋一路都係受歡迎嘅嘢嚟㗎嘛，cut去做咩呢！應該cut嗰啲唔cut，放下啲煙花，就當香港好繁榮，你呃邊個呀，大佬！阿婆都呃唔到啦！啲人係咁㗎喎，因為佢哋唔使用腦㗎嘛，所以我話，當呢啲藝術所有嘅嘢，或者某啲社會上，完全政治咗嘅時候，係好傷。以香港發展，咁多年我哋係多元化，有冇《鮮浪潮》唔係最重要，有冇希望先係最重要嘅事。」
他說起初也想︰「如果完(《鮮浪潮》咪完囉，我何必喺度糾纏。」但眼見過去《鮮浪潮》培育不少電影新血，令杜Sir決意撐下去。「如果停辦，等於判咗（電影創作）呢條路死刑，話畀人聽我對年輕一代、或者呢啲嘢唔支持，或無能力做好，個訊息（傳遞出去的）唔好。如果藝術發展變成政治上面嘅東西，咁任何嘅藝術發展都會出現問題。」
過去《鮮浪潮》有多條參賽短片未能通過電檢，杜Sir認為這種審查不止是電影界，而是整體社會都面對「有條線」，「你只係隻蟻，踩唔中你，你好彩啫，踩中必死。」寄語年輕電影人，要懂得「聰明啲去走創作路線。」
【對比5年前 杜琪峯的改變】
問他對比5年前，此刻的杜琪峯有冇變？「其實都幾大變，因為我而家睇嘅戲都唔同嗮，我直情唔係好鐘意去戲院。以前後生嘅時候，乜嘢電影好唔好睇都去睇，而家冇乜價值嘅戲，唔好搞我。
「以前拍戲，我好多時都會考慮觀眾，我今天會考慮自己多啲，冇人睇咪冇人睇囉！如果冇人畀錢拍，咪自己諗辦法囉！」
【愛鄭保瑞 彈《九龍城寨》】
他說近期唯一吸引他入戲院睇的電影，是《#九龍城寨》。理由是他喜歡 #鄭保瑞 導演。不過有話直說的杜Sir，照樣批評《九龍城寨》的不足之處。「我好鐘意鄭保瑞，佢套《九龍城寨》我入去戲院㗎，一嚿水抵到爛啦！但對我嚟講，套戲唔好睇喎，我只讚佢拍得好。(主持︰邊個位唔好呢？)佢部戲調轉放喺《殺破狼》，咪又係一樣。要城寨嚟做咩啫！係咪先！佢搬去北角都得㗎。」
他說兩代電影人，對戲劇理念及學習基礎已改變，「而家佢哋會走向多啲技巧性嘅嘢，如果你話而家有啲走向比較戲劇，或者少少文學性嘅嘢，咁又好倫理，冇乜新意。
「我一路堅持一樣嘢，如果香港冇咗studio(片廠)，好難再發揮佢嘅效應…某啲人，唉…佢聽唔到(業內聲音)佢唔識呀嘛！佢以為而家做電影，批啲錢畀你哋做，就可以培養出新人，No No No No，嗰啲學校嚟嘅啫。係一定要喺電影業裏打真仗嘅人。」即電影業沒有太多框架下，才能再次蓬勃。
沒有留言:
發佈留言