20241102
【 杜琪峯接受《BBC News中文》專訪：覺得而家我同香港冇咗靈魂啊！】
＊睇片連結放在留言區
_
英國廣播公司（BBC）旗下的《BBC News 中文》（BBC Chinese）YouTube頻道，今日（11月2日）早上推出人稱「杜Sir」的香港著名導演杜琪峯專訪，標題名為〈杜琪峯導演專訪：我和香港失去靈魂——人權與自由〉。
_
專訪全長51分鐘，由記者江穎怡負責提問，全片皆以廣東話錄製，杜Sir就多個話題講出自己感受，包括他的近況、《黑社會》第三集會否開拍和故事構思、「鮮浪潮」不獲藝發局資助、電檢紅線、「港產片」的新定義，以及回應2023年2月他在「第73屆柏林影展」記者會上說的「極權下電影首當其衝」這番話等等。
_
以杜Sir有碗話碗的直率性格，就算在關鍵時刻留一手，依然「句句都係金句」、「段段都係soundbite」，毋須撰寫報道覆述他在鏡頭面前說的話，只要「出個post」，附上連結，讓大家收看專訪即可。奈何世事難料，沒有人百分百肯定這些內容在監察之下能夠「存活」多久，所以趁有得睇的時候，將部份重點轉化成為文字做個紀錄。
_
專訪開首，記者就說，繼2022年的《七人樂隊》之後，觀眾已有一段時間沒看到杜Sir的作品，對上一套由他單獨執導的電影《我的拳王男友》（2019）距今更相隔五年，最近到底有沒有拍攝新戲？「杜Sir」坦言最近他正經歷人生最低潮，對於創作充滿懷疑，無力感甚重。
_
「呢個係環境上嗰啲影響，感覺到原來人好脆弱㗎，如果郁咗一啲嘢，係你平常習慣咗嘅，其實你⋯原來會影響到你好多嘅思維。咁喺呢個咁樣嘅環境底下，我以前對構思上啊，對電影嘅信心好強，呢幾年覺得就係⋯有好多懷疑，變咗呢就係⋯諗完一次，又揼咗，諗完一次又揼咗，都唔知揼咗幾多嘢啊。因為嗰個究竟係我想要嘅，定係我作狀㗎？搵唔到真嘅自己，因為我覺得係近呢（幾）年嚟一路都拍唔到，即係只可以開幾日工我最近，開兩日（又停），又幾個月又開一日，係咪我⋯即係江郎才盡，或者即係：『係咁啦，你以後都係咁多㗎喇！』咁樣囉，我又覺得唔係，但我又唔可以變出甚麼來，唔知等咩呢？」
_
於是記者問他：「係受到啲咩環境影響？」杜Sir馬上回答：「我諗你知過我啦！」然後大家相視而笑。記者追問：「係，但對於你自己嗰個影響係喺電影創作上面嘅，一話係可能係你個人嘅心情狀態上面？」杜Sir續說：「我一直以嚟都堅持喺香港拍戲，香港對我好重要㗎其實係，我覺得而家冇咗靈魂啊，including（包括）我同香港都冇埋。唔知啊，要等到有啲嘢令我改變自己嘅觀念，因為個價值觀唔同咗嘅時候，有好多嘢都覺得錯啊，咁係咪要將我嘅價值觀完全改呢？呢個係個好大嘅問題嚟嘅。」
_
記者直接問他：「原本嘅靈魂係啲咩？即係如果你話冇咗個靈魂，冇咗嘅係啲乜嘢呢？」杜Sir直接說：「自由，言論嘅自由。係簡單啲講，就係人權同自由。即係我會覺得就係，同我生活喺幾十年嘅香港係有幾大分別囉。」記者問，這種狀態對於創作有甚麼直接影響，杜Sir說：「我好多機會去外國拍戲嘅，但我都冇去，原因就係話，我連香港自己成長嘅地方嘅文化我都捉得唔夠準，我點可以仲去第二度學人哋嗰樣嘢？或者去描述人哋啲嘢呢？呢個係我過唔到自己嘅。香港而家嘅情況，即係電影工業上面好，藝術上面嘅，各方面嘅，都唔係一個好嘅時代，我哋好嘅時代，我哋見到嘅係（一個）點嘅香港嚟㗎嘛，咁如果個個都唔喺度嘅時候⋯喺我嘅世界裏面呢就覺得，我背叛咗香港，所以又要自己留喺度，自己又唔知想做乜，而家係我自己嘅心態。」
_
記者問他現時是否從事電影工作最艱難的時期，杜Sir沒有迴避：「算係，以前冇錢啫，唔係代表冇咗我嘅理想，而家係冇咗。」
_
談到《黑社會》第三集，杜Sir說早在2010年已想開拍，較舊作《奪命金》（2011）製作的時間還要早，「但嗰時嘅社會氣候唔係咁啱，但係我喺入面諗嘅所有橋段呢，（所）發生嘅事呢，真係發生咗嘅，細節我唔講，即係話大家都會睇到。」他解釋2010年構思的故事重點，是說「黑社會其實冇咗自己」：「10年我想諗（拍）嘅時候，其實講咩啫？講咩兄弟啫？根本都冇，根本你哋已經散晒㗎喇，但係都維持佢係講『Election』嘅，咁『Election』有冇作用呢？係我個（故事）命題嚟當日係，咁當然基於好多理由之後就冇拍，但今日你問我再拍第三集係咪嗰日嗰個諗法呢？又唔係喎！」不過就算能夠以自身感到舒服的方式說這個故事，杜Sir也認為開拍與否要看天時地利，「未必一定要用咁嘅方法，因為你會影響人哋，你明唔明啊？唔係我自己，咁我覺得呢個，可能⋯（嘆氣）要考慮。」
_
至於「鮮浪潮」不獲藝發局資助一事，杜Sir認為反映政府沒有信心。「有信心嘅政府會咁嘅咩？（對咩冇信心？）對人民冇信心囉，對社會冇信心囉，係咪先？佢哋一路都係受歡迎嘅嘢嚟㗎嘛？Cut佢嚟做咩？應cut嗰啲唔cut！放下啲煙花就當香港好繁榮，你呃邊個啊大佬？阿婆都呃唔到啦！」所以他說，當所有關乎藝術的事完全給政治化的話傷害很大，「咁多年喺香港裏面，我哋係多元化嘅香港，有冇鮮浪潮唔係最重要嘅事，有冇希望係最重要嘅事！」
_
＊圖片來源：《BBC News中文》訪問截圖
_
（02112024）
＊睇片連結放在留言區
_
英國廣播公司（BBC）旗下的《BBC News 中文》（BBC Chinese）YouTube頻道，今日（11月2日）早上推出人稱「杜Sir」的香港著名導演杜琪峯專訪，標題名為〈杜琪峯導演專訪：我和香港失去靈魂——人權與自由〉。
_
專訪全長51分鐘，由記者江穎怡負責提問，全片皆以廣東話錄製，杜Sir就多個話題講出自己感受，包括他的近況、《黑社會》第三集會否開拍和故事構思、「鮮浪潮」不獲藝發局資助、電檢紅線、「港產片」的新定義，以及回應2023年2月他在「第73屆柏林影展」記者會上說的「極權下電影首當其衝」這番話等等。
_
以杜Sir有碗話碗的直率性格，就算在關鍵時刻留一手，依然「句句都係金句」、「段段都係soundbite」，毋須撰寫報道覆述他在鏡頭面前說的話，只要「出個post」，附上連結，讓大家收看專訪即可。奈何世事難料，沒有人百分百肯定這些內容在監察之下能夠「存活」多久，所以趁有得睇的時候，將部份重點轉化成為文字做個紀錄。
_
專訪開首，記者就說，繼2022年的《七人樂隊》之後，觀眾已有一段時間沒看到杜Sir的作品，對上一套由他單獨執導的電影《我的拳王男友》（2019）距今更相隔五年，最近到底有沒有拍攝新戲？「杜Sir」坦言最近他正經歷人生最低潮，對於創作充滿懷疑，無力感甚重。
_
「呢個係環境上嗰啲影響，感覺到原來人好脆弱㗎，如果郁咗一啲嘢，係你平常習慣咗嘅，其實你⋯原來會影響到你好多嘅思維。咁喺呢個咁樣嘅環境底下，我以前對構思上啊，對電影嘅信心好強，呢幾年覺得就係⋯有好多懷疑，變咗呢就係⋯諗完一次，又揼咗，諗完一次又揼咗，都唔知揼咗幾多嘢啊。因為嗰個究竟係我想要嘅，定係我作狀㗎？搵唔到真嘅自己，因為我覺得係近呢（幾）年嚟一路都拍唔到，即係只可以開幾日工我最近，開兩日（又停），又幾個月又開一日，係咪我⋯即係江郎才盡，或者即係：『係咁啦，你以後都係咁多㗎喇！』咁樣囉，我又覺得唔係，但我又唔可以變出甚麼來，唔知等咩呢？」
_
於是記者問他：「係受到啲咩環境影響？」杜Sir馬上回答：「我諗你知過我啦！」然後大家相視而笑。記者追問：「係，但對於你自己嗰個影響係喺電影創作上面嘅，一話係可能係你個人嘅心情狀態上面？」杜Sir續說：「我一直以嚟都堅持喺香港拍戲，香港對我好重要㗎其實係，我覺得而家冇咗靈魂啊，including（包括）我同香港都冇埋。唔知啊，要等到有啲嘢令我改變自己嘅觀念，因為個價值觀唔同咗嘅時候，有好多嘢都覺得錯啊，咁係咪要將我嘅價值觀完全改呢？呢個係個好大嘅問題嚟嘅。」
_
記者直接問他：「原本嘅靈魂係啲咩？即係如果你話冇咗個靈魂，冇咗嘅係啲乜嘢呢？」杜Sir直接說：「自由，言論嘅自由。係簡單啲講，就係人權同自由。即係我會覺得就係，同我生活喺幾十年嘅香港係有幾大分別囉。」記者問，這種狀態對於創作有甚麼直接影響，杜Sir說：「我好多機會去外國拍戲嘅，但我都冇去，原因就係話，我連香港自己成長嘅地方嘅文化我都捉得唔夠準，我點可以仲去第二度學人哋嗰樣嘢？或者去描述人哋啲嘢呢？呢個係我過唔到自己嘅。香港而家嘅情況，即係電影工業上面好，藝術上面嘅，各方面嘅，都唔係一個好嘅時代，我哋好嘅時代，我哋見到嘅係（一個）點嘅香港嚟㗎嘛，咁如果個個都唔喺度嘅時候⋯喺我嘅世界裏面呢就覺得，我背叛咗香港，所以又要自己留喺度，自己又唔知想做乜，而家係我自己嘅心態。」
_
記者問他現時是否從事電影工作最艱難的時期，杜Sir沒有迴避：「算係，以前冇錢啫，唔係代表冇咗我嘅理想，而家係冇咗。」
_
談到《黑社會》第三集，杜Sir說早在2010年已想開拍，較舊作《奪命金》（2011）製作的時間還要早，「但嗰時嘅社會氣候唔係咁啱，但係我喺入面諗嘅所有橋段呢，（所）發生嘅事呢，真係發生咗嘅，細節我唔講，即係話大家都會睇到。」他解釋2010年構思的故事重點，是說「黑社會其實冇咗自己」：「10年我想諗（拍）嘅時候，其實講咩啫？講咩兄弟啫？根本都冇，根本你哋已經散晒㗎喇，但係都維持佢係講『Election』嘅，咁『Election』有冇作用呢？係我個（故事）命題嚟當日係，咁當然基於好多理由之後就冇拍，但今日你問我再拍第三集係咪嗰日嗰個諗法呢？又唔係喎！」不過就算能夠以自身感到舒服的方式說這個故事，杜Sir也認為開拍與否要看天時地利，「未必一定要用咁嘅方法，因為你會影響人哋，你明唔明啊？唔係我自己，咁我覺得呢個，可能⋯（嘆氣）要考慮。」
_
至於「鮮浪潮」不獲藝發局資助一事，杜Sir認為反映政府沒有信心。「有信心嘅政府會咁嘅咩？（對咩冇信心？）對人民冇信心囉，對社會冇信心囉，係咪先？佢哋一路都係受歡迎嘅嘢嚟㗎嘛？Cut佢嚟做咩？應cut嗰啲唔cut！放下啲煙花就當香港好繁榮，你呃邊個啊大佬？阿婆都呃唔到啦！」所以他說，當所有關乎藝術的事完全給政治化的話傷害很大，「咁多年喺香港裏面，我哋係多元化嘅香港，有冇鮮浪潮唔係最重要嘅事，有冇希望係最重要嘅事！」
_
＊圖片來源：《BBC News中文》訪問截圖
_
（02112024）
沒有留言:
發佈留言