20240927
《十七年命運週期》
兩場橫跨17年獨腳戲
穿插對話 觀眾譽「神剪」
導演羅嘉駿細述「對話」背後意思
讚Lokman 演活尷尬
記對白一流
《 #十七年命運週期 》今晚來到第五集，來到三分一。導演 #羅嘉駿（Steve）預告第15集大結局長一小時十五分鐘。
第四集主題是「失語」，主舞台來到 #回力劇場 。年輕小青（ #陳書昕 飾）獲歐陽柊導演（ #黎濟銘 飾）慧眼賞識，邀請演出舞台劇。小青老是忘詞，延誤進度。超人（阿Lou #林漢忠 ）想到一個茄汁遊戲為她打開心理關口。小青說：「我好怕畀人知我諗乜，好怕人哋覺得我軟弱。所以我寧願講大話。」
︱望住個cam嘅並唔係其他人，而係你︱
歐陽這段對白，寫得絕佳：「啲人成日覺得，做戲就係戴住面具去做，其實做戲係一件好誠實嘅事。你要面對到你自己，亦要面對到其他人。你太在意自己嘅存在喇，成日覺得有個cam影住你，但你從來冇諗過，望住個cam嘅並唔係其他人，而係你。你根本面對唔到你自己。」
︱神剪︱
兩個小青相隔17年時空，分別演出獨腳戲The King's Speech：語言導師Lionel Logue為 #喬治六世 根治口吃。有意思的是，Lionel 也是舞台劇演員。2002年回力劇場小舞台跟2020年老人中心禮堂的舞台劇版，由陳書昕與 #李敏 分別演出，混合穿插——同一角色（小青），同一段獨白，兩個時空，兩位演員。
年輕小青怯於表白，如喬治六世因心理關口失語，如石在喉，難以發聲。長大了的小青說：「你要隔絕世界嘅目光，隔絕自己對自己嘅批判。你喉嚨入面嘅唔係石頭，係冰。你試下將手擺喺石頭上，等嚿冰融化。你都可以好似水一樣，柔軟，剛強，唔受世界形式所拘限。」
兩個小青念同一段獨白，剪接之後猶如兩人隔空對話，網民譽為「神剪」，為之動容。回力劇場觀眾大表欣賞；可是老人中心禮堂，沒一個專心看。李敏望定台下，有點落寞。
導演Steve發文分享，謂這場戲構思多時，寫了不同版本，老是覺得不對勁：「直到某日，編劇話不如用King’s Speech，可以連繫到小青失語嘅劇情，我覺得個感覺啱，但好似就係爭啲嘢。又過咗一排，有日望住份劇本，我突然靈光一閃。其實將Ranya（李敏）同Sheena（陳書昕）演嘅角色分開，Sheena演國王，Ranya演言語治療師，一人一句，只要佢哋演嘅角色冇重複，咪好似隔住時空對話咁囉！就係咁呢場就搞掂咗。」
︱導演的小設計︱
Steve回覆《娛壹》表示，這場戲先拍李敏，陳書昕也在場，「叫Sheena演一次俾Ranya睇，等Ranya知佢大概會點做。隔咗個幾兩個月再拍Sheena，睇返Ranya playback，捉返節奏。」
被網民形容這段是神剪，Steve笑：「我真係剪咗好耐，剪極都唔啱feel，咁樣時空穿插住傾偈好難剪。」幾乎崩潰。《十七年命運週期》團隊剪了九個月，對白逐個take揀，第14集剛剪完。
︱背後訊息︱
這段隔空對話，Steve自言只是一個「小設計」，「冇諗過觀眾咁鍾意。我個腦成日會有呢啲靈光一閃，唔知點解。」至於背後msg，他說：「細個用一個方法解決過一個問題，唔代表大個用同樣方法會work；然後就係人嘅初心。Ranya（小青）做咗咁耐都冇放棄，仲記得呢段戲，因為佢初心未變。17年好漫長，行一條未必順利嘅路，初心好重要，亦呼應番『週期』呢樣嘢。情景唔同咗，但有啲嘢其實都係一個週期，係會返番嚟。」
︱編劇團隊的格仔表︱
Steve所說的「靈光一閃」，當然不止一閃。導演身兼監製及編劇之職。編劇團隊共四人，share一個Google sheet，他們稱為「格仔表」，「打橫15格，打直30格。打橫15格等於15集，打直嘅格數等於每一場戲。 我哋各有各擅長嘅嘢，有人寫感情叻啲，有人諗得意嘢又叻啲，有唔同嘅人先可以寫到一個豐富嘅劇本。我哋會將諗到嘅場口寫喺格仔表，重新排序，係極度痛苦嘅過程，可能成個禮拜一格都冇寫過。」
「每填完一集，我哋都係會話，死啦！下集究竟仲有咩可以講？尤其編劇成日都會話呢個故仔講唔到15集，但我覺得大把嘢可以講（笑），多到每集over字數。寫劇本就係咁，憑空想像點寫都得，但係其實又唔係點寫都得。情理之內，意料之外嘛！」
︱讚Lokman表現：尷尬嘅好笑都係尷尬︱
Lokman #楊樂文 飾「木星」，在這集亦有一人 #棟篤笑 ，疫下開live，觀眾由11個變0，非常尷尬。Steve預告文哥棟篤笑陸續有來，「我要求角色係做棟篤笑做得好尷尬，但係我成日都覺得佢（文哥）都做得好好笑，效果好好。尷尬嘅好笑都係尷尬。同埋佢背劇本真係超勁，一大段對白一字不漏。」
文哥與陳健朗（飾演成年版超人）都是Steve一早認定的演員，「冇cast佢哋，直接約傾偈，傾完啱feel就揀咗。」又笑：「文哥爭啲因為要拍其它節目拍唔成我呢，嚇鬼死！」不少網民形容陳健朗內歛，文哥外放，認為兩角應對調，Steve不同意：「而家我拍嘢都係serve自己（笑）我鍾意就唔理人點諗lu！」
至於觀眾們關心的細節，如小青眉上的痣，陳書昕有，李敏沒有，Steve說：「所有嘢都有解答，睇到最後一集。觀眾諗嘅嘢，我全部都諗過晒。佢哋得三日時間諗，我諗咗年幾，每日坐喺度諗十幾個鐘。」表明扭橋不涉穿越、沒有身份互換。順帶一提，今晚Steve將夥黎濟銘、acting coach毛曄穎及眾新演員開live，敬請留意。
兩場橫跨17年獨腳戲
穿插對話 觀眾譽「神剪」
導演羅嘉駿細述「對話」背後意思
讚Lokman 演活尷尬
記對白一流
《 #十七年命運週期 》今晚來到第五集，來到三分一。導演 #羅嘉駿（Steve）預告第15集大結局長一小時十五分鐘。
第四集主題是「失語」，主舞台來到 #回力劇場 。年輕小青（ #陳書昕 飾）獲歐陽柊導演（ #黎濟銘 飾）慧眼賞識，邀請演出舞台劇。小青老是忘詞，延誤進度。超人（阿Lou #林漢忠 ）想到一個茄汁遊戲為她打開心理關口。小青說：「我好怕畀人知我諗乜，好怕人哋覺得我軟弱。所以我寧願講大話。」
︱望住個cam嘅並唔係其他人，而係你︱
歐陽這段對白，寫得絕佳：「啲人成日覺得，做戲就係戴住面具去做，其實做戲係一件好誠實嘅事。你要面對到你自己，亦要面對到其他人。你太在意自己嘅存在喇，成日覺得有個cam影住你，但你從來冇諗過，望住個cam嘅並唔係其他人，而係你。你根本面對唔到你自己。」
︱神剪︱
兩個小青相隔17年時空，分別演出獨腳戲The King's Speech：語言導師Lionel Logue為 #喬治六世 根治口吃。有意思的是，Lionel 也是舞台劇演員。2002年回力劇場小舞台跟2020年老人中心禮堂的舞台劇版，由陳書昕與 #李敏 分別演出，混合穿插——同一角色（小青），同一段獨白，兩個時空，兩位演員。
年輕小青怯於表白，如喬治六世因心理關口失語，如石在喉，難以發聲。長大了的小青說：「你要隔絕世界嘅目光，隔絕自己對自己嘅批判。你喉嚨入面嘅唔係石頭，係冰。你試下將手擺喺石頭上，等嚿冰融化。你都可以好似水一樣，柔軟，剛強，唔受世界形式所拘限。」
兩個小青念同一段獨白，剪接之後猶如兩人隔空對話，網民譽為「神剪」，為之動容。回力劇場觀眾大表欣賞；可是老人中心禮堂，沒一個專心看。李敏望定台下，有點落寞。
導演Steve發文分享，謂這場戲構思多時，寫了不同版本，老是覺得不對勁：「直到某日，編劇話不如用King’s Speech，可以連繫到小青失語嘅劇情，我覺得個感覺啱，但好似就係爭啲嘢。又過咗一排，有日望住份劇本，我突然靈光一閃。其實將Ranya（李敏）同Sheena（陳書昕）演嘅角色分開，Sheena演國王，Ranya演言語治療師，一人一句，只要佢哋演嘅角色冇重複，咪好似隔住時空對話咁囉！就係咁呢場就搞掂咗。」
︱導演的小設計︱
Steve回覆《娛壹》表示，這場戲先拍李敏，陳書昕也在場，「叫Sheena演一次俾Ranya睇，等Ranya知佢大概會點做。隔咗個幾兩個月再拍Sheena，睇返Ranya playback，捉返節奏。」
被網民形容這段是神剪，Steve笑：「我真係剪咗好耐，剪極都唔啱feel，咁樣時空穿插住傾偈好難剪。」幾乎崩潰。《十七年命運週期》團隊剪了九個月，對白逐個take揀，第14集剛剪完。
︱背後訊息︱
這段隔空對話，Steve自言只是一個「小設計」，「冇諗過觀眾咁鍾意。我個腦成日會有呢啲靈光一閃，唔知點解。」至於背後msg，他說：「細個用一個方法解決過一個問題，唔代表大個用同樣方法會work；然後就係人嘅初心。Ranya（小青）做咗咁耐都冇放棄，仲記得呢段戲，因為佢初心未變。17年好漫長，行一條未必順利嘅路，初心好重要，亦呼應番『週期』呢樣嘢。情景唔同咗，但有啲嘢其實都係一個週期，係會返番嚟。」
︱編劇團隊的格仔表︱
Steve所說的「靈光一閃」，當然不止一閃。導演身兼監製及編劇之職。編劇團隊共四人，share一個Google sheet，他們稱為「格仔表」，「打橫15格，打直30格。打橫15格等於15集，打直嘅格數等於每一場戲。 我哋各有各擅長嘅嘢，有人寫感情叻啲，有人諗得意嘢又叻啲，有唔同嘅人先可以寫到一個豐富嘅劇本。我哋會將諗到嘅場口寫喺格仔表，重新排序，係極度痛苦嘅過程，可能成個禮拜一格都冇寫過。」
「每填完一集，我哋都係會話，死啦！下集究竟仲有咩可以講？尤其編劇成日都會話呢個故仔講唔到15集，但我覺得大把嘢可以講（笑），多到每集over字數。寫劇本就係咁，憑空想像點寫都得，但係其實又唔係點寫都得。情理之內，意料之外嘛！」
︱讚Lokman表現：尷尬嘅好笑都係尷尬︱
Lokman #楊樂文 飾「木星」，在這集亦有一人 #棟篤笑 ，疫下開live，觀眾由11個變0，非常尷尬。Steve預告文哥棟篤笑陸續有來，「我要求角色係做棟篤笑做得好尷尬，但係我成日都覺得佢（文哥）都做得好好笑，效果好好。尷尬嘅好笑都係尷尬。同埋佢背劇本真係超勁，一大段對白一字不漏。」
文哥與陳健朗（飾演成年版超人）都是Steve一早認定的演員，「冇cast佢哋，直接約傾偈，傾完啱feel就揀咗。」又笑：「文哥爭啲因為要拍其它節目拍唔成我呢，嚇鬼死！」不少網民形容陳健朗內歛，文哥外放，認為兩角應對調，Steve不同意：「而家我拍嘢都係serve自己（笑）我鍾意就唔理人點諗lu！」
至於觀眾們關心的細節，如小青眉上的痣，陳書昕有，李敏沒有，Steve說：「所有嘢都有解答，睇到最後一集。觀眾諗嘅嘢，我全部都諗過晒。佢哋得三日時間諗，我諗咗年幾，每日坐喺度諗十幾個鐘。」表明扭橋不涉穿越、沒有身份互換。順帶一提，今晚Steve將夥黎濟銘、acting coach毛曄穎及眾新演員開live，敬請留意。
沒有留言:
發佈留言